മലയാളത്തിലെ യുവ നടിമാരിൽ ശ്രദ്ധേയയാണ് നിരഞ്ജന അനൂപ്. നിരഞ്ജന അഭിനയ ലോകത്തേക്ക് എത്തുന്നത് ലോഹം എന്ന ചിത്രത്തിലൂടെയാണ്. മോഹൻ ലാലിനെ നായകനാക്കി രഞ്ജിത്ത് ആണ് ഈ ചിത്രം സംവിധാനം ചെയ്തത്. മികച്ച ഒരു നർത്തകി കൂടിയാണ് നിരഞ്ജന.
ചെറുപ്പം മുതൽ കുച്ചിപ്പുടി അഭ്യസിച്ചിട്ടുണ്ട് താരം. മുൻ നിര നർത്തകരായ ശോഭനയ്ക്കും മഞ്ജു വാര്യർക്കും ഒപ്പം വേദിയും പങ്കിട്ടുണ്ട് നിരഞ്ജന. ഗൂഢാലോചന, കേറോഫ് സൈറാ ബാനു, പുത്തൻ പണം എന്നീ ചിത്രങ്ങളിൽ താരം ഉണ്ടായിരുന്നു. ആസിഫ് അലി നായകനായി അഭിനയിച്ച ബിടെക് എന്ന ചിത്രത്തിലും ഒരു പ്രധാന കഥാപാത്രത്തെ താരം അവതരിപ്പിച്ചു. അനന്യ എന്ന കഥാപാത്രത്തെയാണ് താരം ഇതിൽ അവതരിപ്പിച്ചത്. ആസിഫ് അലികൊപ്പം അപർണ ബാല മുരളിയും കേന്ദ്ര കഥാപാത്രമായി എത്തിയിരുന്നു ചിത്രത്തിൽ. 2018ൽ ഇറങ്ങിയ ചിത്രം ഒരു സൂപ്പർ ഹിറ്റ് ആയിരുന്നു.
ആരാധകരുമായി നിരന്തരം സംവദിക്കാറുണ്ട് നിരഞ്ജന. ഇപ്പോൾ തൻ്റെ ആരാധകരുടെ ചില ചോദ്യങ്ങൾക്ക് മറുപടിയുമായി എത്തിയിരിക്കുന്നു താരം. കാറോടിക്കാൻ കഴിയുമോ എന്ന് ഒരു ആരാധകൻ താരത്തോട് ചോദിച്ചു. തനിക്കൊരു ജാതക ദോഷം ഉണ്ട്. അത് കഴിയാതെ വണ്ടി എടുത്താൽ തട്ടി പോകുമെന്ന് ജോത്സ്യൻ പറഞ്ഞു. കാത്തിരിക്കുകയാണ് എന്നാണ് നിരഞ്ജന നൽകിയ മറുപടി. മറ്റു ചില ചോദ്യങ്ങൾ ആരാധകർ ചോദിച്ചു.
വരാനിരിക്കുന്ന ചിത്രങ്ങൾ ഏതൊക്കെയാണ് എന്ന് ഒരു ആരാധകന് അറിയേണ്ടിയിരുന്നത്. കിംഗ് ഫിഷ്, ദി സീക്രട്ട് ഓഫ് വിമൻ എന്നീ സിനിമകളുടെ ഷൂട്ട് കഴിഞ്ഞു എന്ന് താരം പറഞ്ഞു. ഷെയിൻ നിഗമൊത്തമുള്ള ഒരു ചിത്രത്തിൽ അഭിനയിക്കുവാൻ പോവുകയാണ് എന്ന് താരം മറുപടി നൽകി. ബർമുഡ എന്നാണ് ചിത്രത്തിൻ്റെ പേര്. എന്തായാലും താരത്തിൻ്റെ പടങ്ങൾക്ക് വേണ്ടി പ്രതീക്ഷയോടെ കാത്തിരിക്കുകയാണ് ആരാധകർ.