പാലക്കാട് ഷാജഹാന് വധത്തിന് പിന്നില് ആര്എസ്എസാണെന്ന് മന്ത്രി പി. എ മുഹമ്മദ് റിയാസ്. കേരളത്തെ കലാപഭൂമിയാക്കാനാണ് ആര്എസ്എസ് ശ്രമിക്കുന്നത്. സര്ക്കാരിനെ അസ്ഥിരപ്പെടുത്താനും ശ്രമം നടക്കുന്നുണ്ട്. സിപിഐഎം പ്രവര്ത്തകര് കൊല്ലപ്പെടേണ്ടവരാണെന്ന മനോഭാവമാണ് യുഡിഎഫിനെന്നും മന്ത്രി പറഞ്ഞു.
ഇന്നലെ രാത്രിയാണ് സിപിഐഎം മരുത റോഡ് ലോക്കല് കമ്മിറ്റി അംഗമായ ഷാജഹാന് കൊല്ലപ്പെട്ടത്. വീട്ടിലേക്ക് പോകുംവഴി കടയുടെ മുന്നില്വച്ച് ഷാജഹാനെ വെട്ടിക്കൊല്ലുകയായിരുന്നു. ബൈക്കിലെത്തിയവരാണ് ആക്രമണം നടത്തിയത്. തലയ്ക്കും കഴുത്തിനും വെട്ടേറ്റ ഷാജഹാനെ ശബ്ദം കേട്ട് ഓടിയെത്തിയ പരിസരവാസികളും ബന്ധുക്കളും ഉടന് തന്നെ ജില്ലാ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
മൃതദേഹം പാലക്കാട് ജില്ലാ ആശുപത്രിയിലെ മോര്ച്ചറിയിലാണ്. പോസ്റ്റുമോര്ട്ടം ഇന്ന് നടക്കും. സംഭവത്തിന്റെ പശ്ചാത്തലത്തില് കൊട്ടേക്കാടും നഗരത്തിലും കനത്ത പൊലീസ് കാവല് ഏര്പ്പെടുത്തി. ഷാജഹാന് ഭീഷണിയുണ്ടായിരുന്നുവെന്നും കൊലപാതകത്തിന് പിന്നില് ആര്എസ്എസ് ആണെന്നും സിപിഐഎം ജില്ലാ നേതൃത്വം ആരോപിച്ചിരുന്നു.