താന്‍ പ്രണയം പറഞ്ഞ് രണ്ടാം ദിവസം അവള്‍ സമ്മതിച്ചു; മഞ്ജിമയുമായിട്ടുള്ള പ്രണയ കഥ പറഞ്ഞ് ഗൗതം കാര്‍ത്തിക്ക്, എത്ര ക്യൂട്ടാണെന്ന് പ്രേക്ഷകര്‍

മലയാളികളുടെ പ്രിയ താരമാണ് മഞ്ജിമ മോഹന്‍. ബാലതാരമായി മലയാളി പ്രേക്ഷകരുടെ ഇഷ്ടം പിടിച്ചു പറ്റിയ താരം നിവിന്‍ പോളി ചിത്രം വടക്കന്‍ സെല്‍ഫിയിലൂടെ നായികയായി മാറുകയായിരുന്നു.

പിന്നാലെ തമിഴ് സിനിമയിലേക്ക് പോയ താരം വിവിധ സൗത്ത് ഇന്ത്യന്‍ ഭാഷകളില്‍ അഭിനയിച്ചിരുന്നു. കുറച്ച് ദിവസങ്ങള്‍ക്ക് മുന്‍പ് താരം പ്രണയം വെളിപ്പെടുത്തിയിരുന്നു. നടന്‍ ഗൗതം കാര്‍ത്തിക്കുമായി പ്രണയത്തിലാണ് എന്നായിരുന്നു താരം വ്യക്ത്യമാക്കിയത്.

താരത്തിന്റെ ആരാധകര്‍ ഈ സന്തോഷ വാര്‍ത്ത ആഘോഷമാക്കിയിരുന്നു. ഇപ്പോഴിത ഇരുവരും ചേര്‍ന്ന് തങ്ങളുടെ വിവാഹ തീയതിയും അറിയിച്ചിരുന്നു.
നവംബര്‍ 28 ന് ചെന്നൈയില്‍ വച്ച് വിവാഹം നടക്കുമെന്നായിരുന്നു താരങ്ങള്‍ പറഞ്ഞത്.

അടുത്ത ബന്ധുക്കളുടേയും സുഹൃത്തുക്കളുടേയും സാന്നിധ്യത്തിലാകും ചടങ്ങുകള്‍ മാധ്യമങ്ങള്‍ക്കു മുന്നിലെത്തി ഗൗതമും മഞ്ജിമയുമാണ് വിവാഹക്കാര്യം പങ്കുവച്ചത്.

മാധ്യമങ്ങള്‍ക്ക് മുന്നിലേത്തിയ താരങ്ങള്‍ തങ്ങളുടെ പ്രണയ കഥയും പറഞ്ഞു.’ഞങ്ങളുടേത് വലിയ പ്രണയകഥയൊന്നുമല്ല. ഞാന്‍ മഞ്ജിമയെ പ്രപ്പോസ് ചെയ്തു.

രണ്ട് ദിവസത്തിനുശേഷം അവള്‍ സമ്മതമറിയിച്ചു. മൂന്നു വര്‍ഷം പ്രണയിച്ചു. ഇപ്പോള്‍ വിവാഹിതരാകാന്‍ തീരുമാനിച്ചിരിക്കുകയാണ്. ഞങ്ങളുടെ കുടുംബങ്ങളും ഈ തീരുമാനത്തില്‍ ഏറെ സന്തോഷത്തിലാണ്-എന്നാണ് ഗൗതം വാര്‍ത്ത സമ്മേളനത്തില്‍ പറഞ്ഞത്.

എന്റെ അച്ഛന്‍ എപ്പോഴും പറയുമായിരുന്നു ശരിയായ ആളെ കണ്ടെത്തുമ്പോള്‍ നീ ഒരു പുരുഷനാകുമെന്ന്. മഞ്ജിമ എനിക്ക് അങ്ങനെയാണ്. സുന്ദരി മാത്രമല്ല, ഇവള്‍ മികച്ച കരുത്തുറ്റ വ്യക്തിത്വത്തിന് ഉടമ കൂടിയാണ്. ഞാന്‍ തളര്‍ന്നുപോകുമ്പോള്‍ എല്ലാം ഇവള്‍ എന്നെ പിടിച്ചെഴുന്നേല്‍പ്പിക്കും.

ദേവരട്ടത്തില്‍ അഭിനയിക്കുമ്പോള്‍ ഞങ്ങള്‍ അടുത്ത സുഹൃത്തുക്കളായിരുന്നു. ഒരു വര്‍ഷത്തോളം ഞങ്ങള് കമ്പനിയടിച്ചു നടന്നു.- ഗൗതം കൂട്ടിച്ചേര്‍ത്തു. പ്രിയ താരങ്ങളുടെ പ്രണയ കഥ ആരാധകര്‍ ഏറ്റെടുത്തു കഴിഞ്ഞു.