തിരുവനന്തപുരം വര്ക്കലയില് നവവധുവിനെ ഭര്ത്താവ് തലയ്ക്കടിച്ചു കൊന്നു. ആലപ്പുഴ സ്വദേശിനി നിഖിത (26) ആണ് കൊല്ലപ്പെട്ടത്. ഭര്ത്താവ് അനീഷിനെ (35) വര്ക്കല പൊലീസ് കസ്റ്റഡിയിലെടുത്തു. ഇന്ന് പുലര്ച്ചെ രണ്ടു മണിയോടെ ഭര്ത്തൃഗൃഹത്തില് വച്ചാണ് കൊലപാതകം നടന്നത്. നിലവിളക്ക് ഉപയോഗിച്ച് തലയ്ക്ക് അടിച്ചു കൊലപ്പെടുത്തി എന്നാണ് പ്രാഥമിക വിവരം.
അനീഷിന് നിഖിതയെ സംശയമായിരുന്നു. ഇതേ ചൊല്ലിയുള്ള വാക്കു തര്ക്കമാണ് കൊലപാതകത്തില് കലാശിച്ചത്. സംഭവം നടക്കുന്ന സമയത്ത് അനീഷിന്റെ മാതാപിതാക്കളും വീട്ടില് ഉണ്ടായിരുന്നു. ഫൊറന്സിക് വിഭാഗം എത്തിയതിന് ശേഷം മാത്രമേ കൂടുതല് വിവരങ്ങള് പറയാന് കഴിയൂ എന്ന് പൊലീസ് അറിയിച്ചു. നിഖിതയുടെ മൃതദേഹം വര്ക്കല താലൂക്ക് ആശുപത്രിയിലേക്ക് മാറ്റിയിട്ടുണ്ട്.
മൂന്ന് മാസം മുമ്പായിരുന്നു അനീഷും നിഖിതയും തമ്മിലുള്ള വിവാഹം നടന്നത്. അനീഷിന് വിദേശത്തായിരുന്നു ജോലി. ഏതാനും നാളുകള്ക്ക് മുമ്പാണ് ഇരുവരും വര്ക്കലയിലെ അനീഷിന്റെ വീട്ടില് താമസം തുടങ്ങിയത്. ഇരുവരും തമ്മില് ഇടയ്ക്കിടെ വഴക്കുണ്ടാകാറുണ്ടായിരുന്നു എന്നാണ് ബന്ധുക്കള് പൊലീസിന് നല്കിയ മൊഴി. അനീഷ് മാനസികാസ്വാസ്ഥ്യം പ്രകടിപ്പിക്കുന്ന ആളാണെന്ന് പൊലീസ് പറഞ്ഞു.