ഇനി ഒരിക്കലും ഭാരം കുറയ്ക്കില്ലെന്ന് അവന്‍ പറഞ്ഞു, മകനെ അങ്ങനെ കണ്ടപ്പോള്‍ ഞാന്‍ പൊട്ടി കരഞ്ഞു പോയി; മല്ലിക സുകുമാരന്‍ പറയുന്നു

പൃഥ്വിരാജിന്റെ റിലീസ് ചെയ്യാനുള്ള സിനിമയാണ് ആട് ജീവിതം. സിനിമ പ്രേമികള്‍ ആകാംക്ഷയോടെ കാത്തിരിക്കുകയാണ് ഈ ചിത്രം കാണാന്‍. ബ്ലെസ്സിയുടെ സംവിധാനത്തില്‍ ഒരുങ്ങുന്ന സിനിമയുടെ ഷൂട്ടിംഗ് പലതവണ നിര്‍ത്തിവച്ചിരുന്നു. മലയാളത്തില്‍ എക്കാലത്തെയും ജനപ്രിയ നോവലുകളില്‍ ഒന്നായ ബെന്യാമിന്റെ ആടുജീവിതമാണ് ബ്ലെസി അതേ പേരില്‍ സിനിമയാക്കിയത്. ചിത്രത്തിനുവേണ്ടി പൃഥ്വിരാജ് അടക്കം നന്നായി കഷ്ടപ്പെട്ടിട്ടുണ്ട്. നജീബ് മുഹമ്മദ് ആവാന്‍ പട്ടിണി കിടന്നാണ് പൃഥ്വിരാജ് ഭാരം കുറച്ചത്. നടന്റെ മേക്കോവര്‍ സോഷ്യല്‍ മീഡിയയില്‍ എത്തിയിരുന്നു.

മകന്റെ ആ കോലത്തിലുള്ള ഫോട്ടോ കണ്ട് താന്‍ ഞെട്ടി കരഞ്ഞുപോയെന്ന് മല്ലിക സുകുമാരന്‍ ഇപ്പോള്‍ പറയുന്നു. ആടുജീവിതത്തിനു വേണ്ടി ഭാരം കുറച്ച ഒരു ഫോട്ടോ ഞാന്‍ കണ്ടപ്പോള്‍ കരഞ്ഞു പോയി. ഞാന്‍ കാണാത്ത പടം വേറെയുണ്ടെന്ന് രാജു എന്റെടുത്ത് പറഞ്ഞു. 10 30 കിലോ ആണ് കുറച്ചത് വെറും അസ്ഥി മാത്രമായിരുന്നു ഉണ്ടായത് . അതിന്റെ കൂടെ നീട്ടി വളര്‍ത്തിയ താടിയും. മറ്റു സ്റ്റില്‍സ് ഒന്നും അവന്‍ എന്നെ കാണിച്ചില്ല ആദ്യത്തെ ഫോട്ടോ തന്നെ കണ്ട് എനിക്ക് സഹിച്ചില്ല.

ഇനി താന്‍ ഇത്രയും ഭാരം കുറക്കില്ലെന്ന് പൃഥ്വിരാജ് പറഞ്ഞിട്ടുണ്ട് , ആ സിനിമയ്ക്ക് വേണ്ടി അവന്‍ നന്നായി കഷ്ടപ്പെട്ടു. ബ്ലെസ്സിയുടെ വലിയ ആഗ്രഹമാണ് ആ സിനിമ . ചിത്രത്തിനുവേണ്ടി എത്രയോ വര്‍ഷങ്ങളായി അധ്വാനിക്കുന്നുണ്ട്. അതിനുവേണ്ടി രാജു അറിഞ്ഞുനിന്നു. ആ നോവല്‍ വായിച്ച എല്ലാവര്‍ക്കും അത് സിനിമയാക്കിയാല്‍ കൊള്ളാം എന്നുണ്ടായിരുന്നു, എനിക്കും അങ്ങനെ ഒരു ആഗ്രഹം ഉണ്ടായിരുന്നു. എത്രയും പെട്ടെന്ന് ചിത്രം റിലീസ് ചെയ്യട്ടെ എന്നും മല്ലിക സുകുമാരന്‍ പറഞ്ഞു.

കഴിഞ്ഞ വര്‍ഷം ജൂലൈയില്‍ ആടുജീവിതത്തിന്റെ ഷൂട്ടിംഗ് അവസാനിപ്പിച്ചിരുന്നു. ’14 വര്‍ഷങ്ങള്‍, ഒരായിരം വെല്ലുവിളികള്‍, ദശലക്ഷം വെല്ലുവിളികള്‍, മഹാമാരിയുടെ മൂന്ന് തരംഗങ്ങള്‍… ഗംഭീരമായ ഒരു കാഴ്ച! ബ്ലെസ്സിയുടെ ആടുജീവിതം… പാക്കപ്പ്!’, എന്നാണ് അന്ന് പൃഥ്വിരാജ് കുറിച്ചത്.