ഈ ഓണക്കാലത്ത് എടുത്ത ഏറ്റവും മികച്ച ഫോട്ടോ, അതിനൊരു കാരണവുമുണ്ട് – വെളിപ്പെടുത്തലുമായി കൃഷ്ണകുമാർ

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് കൃഷ്ണകുമാർ. കഴിഞ്ഞ കുറെ പതിറ്റാണ്ടുകളായി മലയാള സിനിമയിലെ സജീവ സാന്നിധ്യമാണ് ഇദ്ദേഹം. ചെറുതും വലുതുമായ നിരവധി കഥാപാത്രങ്ങളെ താരം അവതരിപ്പിച്ചിട്ടുണ്ട്. മേൽവിലാസം എന്ന ചിത്രത്തിലെ കഥാപാത്രം ഏറെ ശ്രദ്ധിക്കപ്പെട്ടിരുന്നു. അതുപോലെതന്നെ ചതിക്കാത്ത ചന്തു എന്ന ചിത്രത്തിലെ അരവിന്ദൻ എന്ന കഥാപാത്രത്തെയും മലയാളികൾ ഒരുകാലത്തും മറക്കില്ല.

സമൂഹമാധ്യമങ്ങളിൽ വളരെ സജീവമാണ് താരം. തൻറെ പുതിയ വിശേഷങ്ങൾ എല്ലാം തന്നെ താരം ആരാധകരുമായി പങ്കുവയ്ക്കാറുണ്ട്. താരം പങ്കുവയ്ക്കുന്ന ചിത്രങ്ങളും വിശേഷങ്ങളും എല്ലാം നിമിഷനേരം കൊണ്ടാണ് ശ്രദ്ധിക്കപ്പെടുന്നത്. രാഷ്ട്രീയത്തിലും വളരെ സജീവമായി വ്യക്തിയാണ് കൃഷ്ണകുമാർ. അതുകൊണ്ടുതന്നെ താരം പങ്കുവയ്ക്കുന്ന എല്ലാ പോസ്റ്റുകൾക്കും താഴെയും രാഷ്ട്രീയ കമൻറുകൾ പതിവാണ്. എന്നാൽ ഇതൊന്നും തന്നെ താരം ശ്രദ്ധിക്കാറില്ല.

ഓണത്തിന് ഒരു റിസോർട്ടിലായിരുന്നു താരം കുടുംബസമേതം ആഘോഷങ്ങളെല്ലാം നടത്തിയത്. കുടുംബത്തിലെ എല്ലാവരും ഒത്തുള്ള ചിത്രങ്ങളും വലിയ രീതിയിൽ വൈറലായിരുന്നു. പച്ചക്കളർ ആയിരുന്നു ഈ വർഷത്തെ ഡ്രസ്സ് കോഡ്. പിങ്ക് ആയിരുന്നു കഴിഞ്ഞ വർഷത്തെ ഡ്രസ്സ് കോഡ്. ചിത്രങ്ങൾ എല്ലാം തന്നെ വലിയ രീതിയിൽ ശ്രദ്ധിക്കപ്പെട്ടിരുന്നു.

ഇപ്പോൾ അക്കൂട്ടത്തിൽ ഏറ്റവും മികച്ച ചിത്രം പങ്കുവയ്ക്കുകയാണ് കൃഷ്ണകുമാർ. ഇതാണ് ഏറ്റവും മികച്ച ഫോട്ടോ എന്ന് പറയുവാൻ ഒരു കാരണമുണ്ട്. ഒരുപാട് ഫോട്ടോകൾ എടുത്തിട്ടുണ്ട് എങ്കിലും അതിനെല്ലാം എന്തെങ്കിലും തരത്തിലുള്ള ഒരു കുറവ് ഉണ്ടാകും. ഒന്നുകിൽ ആരെങ്കിലും കണ്ണടച്ചിട്ട് ഉണ്ടാകും, അല്ലെങ്കിൽ ആരെങ്കിലും വേറെ എവിടെയെങ്കിലും നോക്കി നിൽക്കുകയായിരിക്കും. പക്ഷേ ഒരെണ്ണം മാത്രം പെർഫെക്ട് ആയി കിട്ടി എന്നാണ് കൃഷ്ണകുമാർ പറയുന്നത്. ഈ ചിത്രം ഇപ്പോൾ സമൂഹമാധ്യമങ്ങളിൽ തരംഗം തീർത്തു കൊണ്ടിരിക്കുകയാണ്.