ഫോണെടുത്ത് എവിടേലും ഒളിപ്പിച്ചുവയ്‌ക്കേണ്ട അവസ്ഥയായി !! മക്കളുടെ വീഡിയോ കൊണ്ട് ഫോൺ നിറഞ്ഞു !!

നടൻ കൃഷ്ണകുമാറും കുടുംബവും മലയാളികൾക്ക് ഇന്ന് വളരെ പ്രിയ്യപ്പെട്ടവരാണ്. നാലു പെണ്മക്കളാണ് കൃഷ്ണ കുമാറിന് നാലുപേരും പാട്ടിലും ഡാൻസിലും ഒന്നിന് ഒന്ന് മികച്ചതാണ്. മൂത്ത മകള്‍ അഹാന കൃഷ്ണ യുവനടിയായി ഉയര്‍ന്നുവരുന്ന താരമാണ്. ഇളയ മകള്‍ ഹന്‍സികയും ചേച്ചിക്കൊപ്പം ലൂക്ക എന്ന സിനിമയില്‍ വേഷമിട്ടിരുന്നു. മറ്റ് രണ്ടു മക്കളില്‍ മൂന്നാമത്തെ മകള്‍ ഇഷാനി സിനിമയില്‍ അരങ്ങേറ്റത്തിന് ഒരുങ്ങുകയാണ്. ഇവരുടെ വിശേഷങ്ങളൊക്കെ അമ്മ സിന്ധുകൃഷ്ണ പങ്കുവയ്ക്കാറുണ്ട്. ഇപ്പോള്‍ സിന്ധു പങ്കുവച്ച പുതിയൊരു കുറിപ്പാണ് ശ്രദ്ധനേടുന്നത്.

സിനിമാക്കാര്‍ക്കിടയിലെ സന്തുഷ്ട സുന്ദര കുടുംബമാണ് കൃഷ്ണകുമാറിന്റെത്. അഞ്ചു സ്ത്രീരത്‌നങ്ങളാണ് കൃഷ്ണകുമാറിന് കൂട്ടായി വീട്ടിലുള്ളത്. ഭാര്യ സിന്ധുവിനെ കൃഷ്ണകുമാര്‍ പ്രണയിച്ചാണ് വിവാഹം ചെയ്തത്. മക്കളുടെ പഴയ വിശേഷങ്ങളും പുതിയ വിശേഷങ്ങളും സിന്ധു താരകുടുംബത്തിന്റെ ആരാധകര്‍ക്കായി പങ്കുവയ്ക്കാറുണ്ട്. ലോക്ക് ഡൗണ്‍ കാലത്തും സമൂഹമാധ്യമങ്ങളില്‍ ഏറെ സജീവമാണ് ഇപ്പോള്‍ ഈ കുടുംബം .

ഡാന്‍സ് വിഡിയോകളുമായാണ് അഹാനയും സഹോദരിമാരും എത്തിയിരുന്നത്.അതേ സമയം ഇവരുടെ അമ്മ സിന്ധുവാകട്ടെ ഇപ്പോള്‍ മക്കള്‍ ഡാന്‍സ് കളിക്കുന്നതിന്റെ പുതിയ ഒരു വീഡിയോ ഇന്‍സ്റാഗ്രാമിലൂടെ ആരാധകരുമായി പങ്കുവച്ചിരിക്കുകയാണ്.ഇളയ മക്കളായ ഹന്‍സികയും ദിയയും ചുവടുവെക്കുന്ന വീഡിയോ ആണ് താരപത്നി ആരാധകരുമായി പങ്കുവച്ചിരിക്കുന്നത്. കാതലന്‍ എന്ന ചിത്രത്തില്‍ എആര്‍ റഹ്മാന്‍ സംഗീതം നല്‍കി പ്രഭുദേവ ഹിറ്റാക്കി മാറ്റിയ മുക്കാല മുക്കാബുല എന്ന പാട്ടിനൊപ്പമാണ് മക്കള്‍ ഇരുവരും ചുവട് വയ്ക്കുന്നത്. ചിത്രത്തോടൊപ്പം സിന്ധു കുറിച്ച വാക്കുകളാണ് ഇപ്പോള്‍ ഏറെ ചര്‍ച്ചയാകുന്നത്.

മക്കള് കാണാതെ ഫോണെടുത്ത് എവിടേലും ഒളിപ്പിച്ചുവയ്‌ക്കേണ്ട അവസ്ഥയായി എന്നാണ് സിന്ധു കൃഷ്ണ ഡാന്‍സ് വീഡിയോയ്ക്ക് ഒപ്പം കുറിച്ചിരിക്കുന്നത് . മക്കളുടെ വീഡിയോ കൊണ്ട് ഫോണിലെ സ്റ്റോറേജ് നിറഞ്ഞുവെന്നും സിന്ധുകൃഷ്ണ പറഞ്ഞിരുന്നു. അഹാനയുടെയും സഹോദരിമാരുടെയും നേരത്തെ ഓ നാ നാ എന്ന ഇംഗ്ലീഷ് ഗാനത്തിനൊപ്പമുളള വീഡിയോ സോഷ്യല്‍ മീഡിയയില്‍ തരംഗമായിരുന്നു.എഡ് ഷീരന്റെ ഷേപ്പ് ഓഫ് യൂ, ജിമിക്കി കമ്മല്‍ തുടങ്ങിയ പാട്ടുകള്‍ക്കൊപ്പവും ഈ നാല് സഹോദരിമാരും നൃത്തം ചെയ്തിരുന്നു.