ഒരു ജോലിയുമില്ലത്തവര്‍ക്കുള്ളതാണ് സോഷ്യല്‍ മീഡിയ; വീണ്ടും അധിക്ഷേപ വാക്കുകളുമായി കങ്കണ; പിന്നാലെ വിവാദവും

ബോളിവുഡിലെ താരസുന്ദരിയും ദേശീയ അവാര്‍ഡ് ജേതാവുമാണ് കങ്കണ റാവത്ത്. വിവാദങ്ങളുടെ തോഴി എന്നാണ് പലപ്പോഴും കങ്കണയെ അറിയപ്പെടുന്നത്. പോലും മഹാരഷ്ട്രയില്‍ അടുത്തിടെ കങ്കണയുടെ പേരില്‍ അരങ്ങേറിയത് രാഷ്ട്രീയ യുദ്ധം തന്നെയായിരുന്നു. മുംബൈയിലെ തന്റെ വസതി നിയമലംഘന നിര്‍മ്മിതിയാണെന്ന് ആരോപിച്ച് ശിവസേന -കോണ്‍ഗ്രസ് കൂട്ടുകെട്ടിലെത്തിയ സര്‍ക്കാര്‍ പൊളിച്ചതോടെ വിവാദങ്ങള്‍ ഇരട്ടിച്ചിരുന്നു.

ട്വിറ്ററിലൂടെ വിവാദ പ്രസ്താവനകള്‍ നടത്തുന്ന കങ്കണയുടെ ശൈലിയെ വിമര്‍ശിച്ച് പലരും രംഗത്ത് എത്താറുണ്ട്. കഴിഞ്ഞ ദിവസമാണ് കങ്കണയുടെ ട്വിറ്റര്‍ അക്കൗണ്ട് പൂട്ടണമെന്ന് ആരോപിച്ച് മുംബൈ ഹൈക്കോടതിയില്‍ ഹര്‍ജി എത്തിയത്. അഭിഭാഷകനായ അലി കാഷിഫ് ദേശ്മുഖായിരുന്നു ഹര്‍ജിയുമായി രംഗത്തെത്തിയത്.

ട്വിറ്ററിലൂടെ കങ്കണ വിദ്വേഷ പ്രസംഗങ്ങള്‍ നടത്തുന്നു എന്നതായിരുന്നു ഹര്‍ജിയിലെ പ്രധാന ആരോപണം. അധിക്ഷേപം നിറഞ്ഞ ട്വിറ്റുകള്‍ വിലക്കണമെന്നും ഹര്‍ജിക്കാരന്‍ ആവശ്യപ്പെട്ടിരുന്നു. ട്വിറ്ററിനെ എതിര്‍കക്ഷി ചേര്‍ത്ത വിവാദ ഹര്‍ജിക്ക് പിന്നാലെയാണ് സോഷ്യല്‍ മീഡിയയെ രൂക്ഷമായി വിമര്‍ശിച്ച് വീണ്ടും കങ്കണ രംഗത്തെത്തുന്നത്.

പുതിയ ചിത്രമായ റങ്കൂണിന്റെ പ്രമോഷനുമായി ബന്ധപ്പെട്ട കപില്‍ മിശ്ര ഷോയില്‍ അവതാരകന്റെ ചോദ്യത്തിനാണ് കങ്കണ സോഷ്യല്‍ മീഡിയയെ അധിക്ഷേപിച്ച പ്രസ്താവന നടത്തിയത്. ജീവിതത്തില്‍ ഒരു ജോലിയുമില്ലാത്തവര്‍ക്കായിട്ടാണ് സോഷ്യല്‍ മീഡിയ എന്നായിരുന്നു കങ്കണയുടെ പ്രസ്തവന. എന്നാല്‍ പ്രസ്തവന എതിര്‍ത്ത് നിരവധി പേര്‍ രംഗത്തെത്തുകയും ചെയ്തു.