മലയാളികൾക്ക് അല്ലെ വില ഇല്ലാത്തത് തമിഴിൽ പൊന്നും വിലയുള്ള താരം ; കാളിദാസിന്റെ പുതിയ ചിത്രത്തിന്റെ അപ്ഡേഷൻ കേട്ട് ആരാധകർ പറയുന്നു

ബാലതാരമായി സിനിമയിൽ അരങ്ങേറ്റം കുറിച്ച നടനാണ് കാളിദാസ് ജയറാം. ബാലതാരമായി എത്തിയ നടൻ നിരവധി പുരസ്കാരങ്ങളാണ് സ്വന്തമാക്കിയത്. എന്നാൽ നായകനായി എത്തിയപ്പോൾ മലയാളത്തിൽ തിളങ്ങാൻ താരത്തിനായില്ല.

നെപോറ്റിസത്തിന്റെ പ്രൊഡക്റ്റ് ആണ് എന്ന് പറഞ്ഞ് കാളിദാസിനെ തള്ളി കളയുകയായിരുന്നു മലയാളികൾ.

എന്നാൽ തമിഴിൽ വലിയ ശ്രദ്ധ നേടിയിരുന്നു കാളിദാസ് ജയറാം. നിരവധി ചിത്രങ്ങൾ ആയിരുന്നു താരത്തിന്റെതായി തമിഴിൽ ഒരുങ്ങിയത്.

ഇപ്പോഴിതാ ധനുഷ് ചിത്രത്തിലും എത്തുകയാണ് കാളിദാസ്. നടൻ ധനുഷ് വീണ്ടും സംവിധായകനാകുന്ന പുതിയ ചിത്രത്തിലാണ് കാളിദാസ് പ്രധാന കഥാപാത്രത്തെ അവതരിപ്പിക്കുന്നത്.

വിഷ്‍ണു വിശാലിനെയും എസ് ജെ സൂര്യയെയും പ്രധാന കഥാപാത്രങ്ങളാക്കി ധനുഷ് സിനിമ ഒരുക്കുമെന്ന റിപ്പോര്‍ട്ട് എത്തിയിരുന്നു. ഈ ചിത്രത്തിൽ കാളിദാസും ഉണ്ടാകുമെന്നാണ് പുതിയ റിപ്പോർട്ടുകൾ.

കാളിദാസന്റെ പുതിയ സിനിമയുടെ റിപ്പോർട്ടുകൾ കേട്ട് ആവേശം കൊള്ളുകയാണ് താരത്തിന്റെ ആരാധകർ.മലയാളികൾക്ക് അല്ലെ വില ഇല്ലാത്തത്, തമിഴിൽ പൊന്നും വിലയുള്ള താരമാണ് ഞങ്ങളുടെ കാളി എന്നാണ് ആരാധകർ പറയുന്നത്.

അതേസമയം എക്സറ്റൻഡഡ് കാമിയോ ആയി ധനുഷ് ചിത്രത്തില്‍ ഉണ്ടാകുമെന്നും റിപ്പോര്‍ട്ടുണ്ട്. ദുഷാര ആണ് ചിത്രത്തില്‍ നായികയാകുക എന്നും റിപ്പോര്‍ട്ടുണ്ട്. ഏപ്രിലിലായിരിക്കും ധനുഷിന്റെ ചിത്രം തുടങ്ങുക.

അതേസമയം ധനുഷ് നായകനായി ‘വാത്തി’ എന്ന ചിത്രമാണ് ഇനി വൈകാതെ റിലീസ് ചെയ്യാനുള്ളത്. വെങ്കി അറ്റ്‍ലൂരി ആണ് ചിത്രം സംവിധാനം ചെയ്യുന്നത്. മലയാളി നടി സംയുക്ത മേനോനാണ് ചിത്രത്തില്‍ ധനുഷിന്റെ നായികയായി എത്തുന്നത്.