വേദിയില്‍ നിന്നും പൊട്ടിക്കരഞ്ഞതിന് പിന്നാലെ ഹൃദയം തൊടുന്ന ചിത്രവുമായി സാമന്ത

ആരാധകര്‍ ഏറെയുള്ള നടിയാണ് സാമന്ത. അഭിനയത്തിലേക്ക് കടന്നുവന്ന് സിനിമയില്‍ തന്റെതായ ഒരു സ്ഥാനം നേടിയെടുക്കാന്‍ ഈ നടിക്ക് കഴിഞ്ഞു. ഇന്ന് ഏറ്റവും കൂടുതല്‍ പ്രതിഫലം വാങ്ങുന്ന നടിമാരില്‍ ഒരാള്‍ കൂടിയാണ് സാമന്ത. പുഷ്പയിലുള്ള ഐറ്റം ഡാന്‍സ് എല്ലാം ശ്രദ്ധ നേടിയിരുന്നു.  
സിനിമ പ്രമോഷനിടെ നടി കരഞ്ഞതെല്ലാം സോഷ്യല്‍ മീഡിയയില്‍ എത്തിയിരുന്നു. സാമന്ത ആരാധകര്‍ക്ക് ഇത് കണ്ടിട്ട് സഹിക്കാന്‍ പറ്റിയിട്ടില്ല. നേരത്തെ തന്റെ അസുഖത്തെക്കുറിച്ച് താരം പറഞ്ഞിരുന്നു. കുറേ ദിവസം ആശുപത്രിയില്‍ ചികിത്സയിലും മരുന്നുകളിലൂടെയാണ് സാമന്ത കടന്നുപോയത്. ഇപ്പോള്‍ നടി അസുഖത്തില്‍ നിന്ന് പുറത്തു കടക്കുന്നു. എന്നാല്‍ ആ സമയത്തും നടിയുടെ സൗന്ദര്യത്തെക്കുറിച്ച് ചിലര്‍ സംസാരിച്ചു . സാമന്തയുടെ ഭംഗിയെല്ലാം പോയി എന്നായിരുന്നു ചിലര്‍ പറഞ്ഞത്. ഇവര്‍ക്ക് നടി മറുപടി കൊടുക്കുകയും ചെയ്തു. താന്‍ കഴിച്ച മരുന്ന് താന്‍ കടന്നുപോയ അവസ്ഥ ഇതൊന്നും മറ്റാര്‍ക്കും വരരുത് എന്ന് ഞാന്‍ പ്രാര്‍ത്ഥിക്കാം എന്ന് സാമന്ത പറഞ്ഞത്. തന്റെ സൗന്ദര്യത്തെ വര്‍ണിച്ചവര്‍ക്കുള്ള മറുപടി കൂടിയായിരുന്നു ഇത്.

ഇപ്പോഴിതാ ഹൃദയം തൊടുന്ന ഒരു ചിത്രം പങ്കുവച്ചുകൊണ്ട് എത്തിയിരിയ്ക്കുകയാണ് സമാന്ത. തന്റെ വളര്‍ത്തു നായകളുടെ സ്നേഹമാണ് ചിത്രത്തില്‍ കാണുന്നത്. സമാന്ത സോഫയില്‍ കമഴ്ന്ന് കിടക്കുന്നതും അരികത്ത് വളര്‍ത്തു നായകള്‍ ഇരിക്കുന്നതുമാണ് ചിത്രത്തിലെ കാഴ്ച. അതില്‍ ഒരാള്‍ തന്റെ ഒരു കൈ സാമിന്റെ പുറത്ത് വച്ചിട്ടുണ്ട്. ‘അമ്മ വിഷമിക്കേണ്ട, നിങ്ങളുടെ പിന്തുണയുണ്ട്’ എന്നാണ് ഫോട്ടോയ്ക്ക് സാം ക്യാപ്ഷന്‍ നല്‍കിയിരിയ്ക്കുന്നത്.

ചിത്രത്തിന് താഴെ നിരവധി കമന്റുകളാണ് വന്നുകൊണ്ടിരിയ്ക്കുന്നത്. സമാന്തയോടുള്ള സ്നേഹവും, സമാന്തയുടെ കരുത്തിനെ പ്രശംസിച്ചും കമന്റുകള്‍ വരുന്നു.