പിതാവ് ഗർഭിണിയാക്കിയ 10 വയസ്സുകാരിക്ക് ഗർഭഛിദ്രം നടത്താൻ അനുമതി. ഈശ്വരനെ മനസ്സിൽ ഓർത്തു വിധിക്കുന്നു എന്ന് ജഡ്ജി.

സ്വന്തം പിതാവ് ഗർഭിണിയാക്കിയ 10 വയസ്സുകാരിക്ക് ഗർഭച്ഛിദ്രം നടത്താൻ അനുമതി നൽകി ഹൈക്കോടതി. ജസ്റ്റിസ് പി വി കുഞ്ഞികൃഷ്ണൻ ആണ് വിധി പറഞ്ഞത്. പെൺകുട്ടിയുടെ മാതാവ് നൽകിയ ഹർജിയുടെ പുറത്താണ് ഹൈക്കോടതിയുടെ വിധി വന്നത്. ജീവനോടെ ആണ് ജനിക്കുന്നതെങ്കിൽ കുഞ്ഞിന് ആശുപത്രി അധികൃതർ മികച്ച ചികിത്സ ലഭ്യമാക്കണമെന്നും ജസ്റ്റിസ് നിർദേശിച്ചിട്ടുണ്ട്. കോടതി നിർദ്ദേശപ്രകാരം മുൻപ് മെഡിക്കൽ ബോർഡ് കേസിൽ രൂപീകരിച്ചിരുന്നു.

 

ഗർഭം 31 ആഴ്ച പിന്നിട്ടു എന്നും ശസ്ത്രക്രിയയിലൂടെ പ്രസവം വേണ്ടിവരുമെന്നാണ് ബോർഡ് റിപ്പോർട്ട് നൽകിയിരിക്കുന്നത്. ഒരാഴ്ചയ്ക്കുള്ളിൽ നിയമപ്രകാരം വേണ്ടത് ചെയ്യാൻ തിരുവനന്തപുരത്തുള്ള ആശുപത്രി അധികൃതർക്ക് കോടതി അനുമതി നൽകിയിട്ടുണ്ട്. കുഞ്ഞിൻറെ ഉത്തരവാദിത്വം ഏറ്റെടുക്കാൻ മാതാപിതാക്കൾ സമ്മതിക്കുകയോ സാധ്യമല്ലാത്ത അവസ്ഥ വരികയോ ചെയ്താൽ സംസ്ഥാനവും ഏജൻസിയും പൂർണ ഉത്തരവാദിത്വം ഏറ്റെടുക്കണം എന്നാണ് കോടതി വിധിച്ചത്. മറ്റ് സ്പെഷ്യലിസ്റ്റ് കളിൽ നിന്നും വിദഗ്ധ മെഡിക്കൽ സഹായം വേണമെങ്കിൽ ആവശ്യപ്പെടാം.

ഇതിനു ഹെൽത്ത് സർവീസ് ഡയറക്ടർക്ക് ആവശ്യമായത് ചെയ്യാമെന്ന് കോടതി നിർദ്ദേശിച്ചിട്ടുണ്ട്. ബോംബെ ഹൈക്കോടതി പരിഗണിച്ച് സമാനമായ കേസും കോടതി ചൂണ്ടിക്കാണിച്ചു. സാധാരണ 24 ആഴ്ചവരെ വളർച്ചയുള്ള ഗർഭം അലസിപ്പിക്കാൻ ആണ് നിയമപ്രകാരം അനുമതി. ഈ സമയപരിധി കഴിഞ്ഞ അതിനാലാണ് പെൺകുട്ടിയുടെ മാതാവ് കോടതിയെ സമീപിച്ചത്.

ആരോപണം സത്യമാണെങ്കിൽ ലജ്ജിതൻ ആവുകയാണ് എന്ന് കോടതി പറഞ്ഞു. സമൂഹം മുഴുവൻ നാണത്താൽ തല കുനിക്കണം. നിയമത്തിന് അറിയാവുന്ന രീതിയിൽ നിയമം അയാളെ ശിക്ഷിക്കും. കേസിലെ വസ്തുതകളും സാഹചര്യങ്ങളും പരിഗണിച്ച് ഈശ്വരനെ മനസ്സിൽ ഓർത്താണ് നിയമാധികാരം പ്രയോഗിക്കുന്നത് എന്ന് കോടതി പറയുന്നു.