കുറെ തെരുവുപട്ടികൾ പണിയില്ലാതെ അലഞ്ഞു നടക്കുന്നുണ്ട്, അതിനെയെല്ലാം പോയി അടിച്ചു നന്നാക്കാൻ പറ്റില്ല. പ്രതികരണവുമായി ഗോപിസുന്ദർ.

ഇക്കഴിഞ്ഞ ദിവസങ്ങളിൽ സംഗീത സംവിധായകൻ ഗോപി സുന്ദറിനും ഗായിക അമൃത സുരേഷും വലിയ സൈബർ ആക്രമണം നേരിടേണ്ടി വന്നിരുന്നു. ഇരുവരും ദിവസങ്ങൾക്ക് മുൻപ് തങ്ങളുടെ പ്രണയം വെളിപ്പെടുത്തിയിരുന്നു. ചില ചിത്രങ്ങളും താരങ്ങൾ സാമൂഹ്യ മാധ്യമങ്ങളിൽ പങ്കുവെക്കുകയുണ്ടായി. ഇതിനുപിന്നാലെയാണ് ഇരുവർക്കുമെതിരെ സൈബർ ആക്രമണം തുടങ്ങിയത്.

ഇതിനിടയിൽ കളിയാക്കുന്ന രീതിയിൽ ചില മറുപടികളും താരങ്ങൾ നൽകിയിരുന്നു. ഒരു പണിയും ഇല്ലാത്തവർക്ക് പുട്ടും മുട്ടക്കറിയും ഡെഡിക്കേറ്റ് ചെയ്യുന്നു എന്നുള്ള ചിത്രവും ഇവർ പങ്കുവെച്ചു. ഇപ്പോഴിതാ സൈബർ ആക്രമണം നടത്തുന്നവർക്കെതിരെ കിടിലൻ മറുപടിയുമായി എത്തിയിരിക്കുകയാണ് ഗോപി സുന്ദർ. തെരുവുപട്ടികൾ കുറെ അലഞ്ഞു തിരിഞ്ഞു നടക്കുന്ന ഉണ്ടാവുമെന്നും അതിനെയൊക്കെ തല്ലിയൊടിക്കാൻ കഴിയില്ല എന്നും അദ്ദേഹം പ്രതികരിച്ചു.

ഒരു പബ്ലിക് പ്ലാറ്റ്ഫോമാണ് സാമൂഹ്യമാധ്യമങ്ങൾ. പൊതുവഴിയിൽ പോസ്റ്റർ വെക്കുന്നതിനു സമമാണ് ഇത്. ചിലർ കാർക്കിച്ചു തുപ്പും, പട്ടികൾ മുള്ളും, ചിലപ്പോൾ കീറി കളയും. അങ്ങനെയൊക്കെ സംഭവിച്ചേക്കാം. പക്ഷേ ആ പോസ്റ്റർ തൻറെ വീട്ടിൽ ഫ്രെയിം ചെയ്തു വെച്ച ശേഷം ഒരാൾ കോളിംഗ് ബെല്ലടിച്ചു വീട്ടിൽ കയറി വന്നു എന്ന് കരുതുക.

അതിനുശേഷം അത് കല്ലെറിഞ്ഞു തകർക്കാൻ നോക്കിയാൽ താൻ അയാളെ കത്തിക്കും. തെരുവുപട്ടികൾ ഒരു പണിയുമില്ലാതെ നിരവധി അലഞ്ഞു നടക്കുന്നുണ്ട്. അവരൊക്കെ പോയി നന്നാക്കാൻ ആർക്കും പറ്റില്ല. വ്യത്യാസം അതാണ്. ഇത്തരം പ്രവർത്തികളെ അങ്ങനെ മാത്രമാണ് താൻ കാണുന്നത്. ഗോപി സുന്ദർ പ്രതികരിച്ചു.