വയനാട്ടില് സബ് ആര്ടിഒ ഓഫീസര് എടവക എള്ളുമന്ദം പുളിയാര്മറ്റത്തില് സിന്ധു വീടിനുള്ളില് തൂങ്ങിമരിച്ച സംഭവത്തില് ആരോപണവുമായി കുടുംബം. ആത്മഹത്യക്ക് പിന്നില് ദുരൂഹതയുണ്ടെന്ന് കുടുംബം ആരോപിച്ചു.
മാനന്തവാടി സബ് ആര്ടിഒ ഓഫിസിലെ ഉദ്യോഗസ്ഥരുടെ മാനസിക പീഡനം കാരണമാണ് സഹോദരി ആത്മഹത്യ ചെയ്തതെന്ന് സഹോദരന് നോബിള് പറഞ്ഞു. ഓഫിസില് കൈക്കൂലി വാങ്ങാന് കൂട്ടുനില്ക്കാത്തത് ഉദ്യോഗസ്ഥരുടെ പകയ്ക്ക് കാരണമായെന്നും തന്നെ ഒറ്റെപ്പെടുത്താന് ഉദ്യോഗസ്ഥര് ശ്രമിച്ചതായി സിന്ധു പറഞ്ഞിരുന്നുവെന്നും കുടുംബം വ്യക്തമാക്കി.
സബ് ആര്ടിഒ ഓഫിസിലെ സീനിയര് ക്ലാര്ക്കായിരുന്നു സിന്ധു. ഒന്പത് വര്ഷമായി മാനന്തവാടി സബ് ആര്ടിഒ ഓഫിസില് ജീവനക്കാരിയാണ്. ഇന്ന് രാവിലെ എട്ട് മണിയോടെയാണ് സിന്ധുവിനെ സഹോദരന്റെ വീടിനുള്ളില് തൂങ്ങിമരിച്ച നിലയില് കണ്ടെത്തിയത്. ഭിന്നശേഷിയുള്ളയാളും അവിവാഹിതയുമാണ് സിന്ധു.