ഗോസിപ്പുകള്ക്കൊന്നും ഇടം കൊടുക്കാതെ ധനുഷ് തന്നെയാണ് 18 വര്ഷത്തെ ദാമ്പത്യ ജീവിതം അവസാനിപ്പിക്കുന്നു എന്ന വാര്ത്ത സമൂഹ മാധ്യമങ്ങള് വഴി അറിയിച്ചത്. ഇവരുടെ വിവാഹമോചന വാര്ത്ത കേട്ടതോടെ ആരാധകര് ഞെട്ടി. എന്നാല് വേര്പിരിയലിന്റെ കാരണം രണ്ടുപേരും പറഞ്ഞിട്ടില്ല. ഇതിന് പിന്നാലെ ധനുഷ്യന്റെ ചില ശീലങ്ങള് ആണ് ഐശ്വര്യക്ക് ഇഷ്ടപ്പെടാതെ വന്നതെന്ന റിപ്പോര്ട്ടുകള് പുറത്തുവന്നിരുന്നു.
ഇപ്പോള് ഇവരുടെ ഒരു ഫോട്ടോയാണ് പുറത്തുവന്നത്. ഐശ്വര്യയുടെ ചിത്രം എടുക്കുന്ന ധനുഷിനെ ഇതില് കാണാം. ദ ഗ്രേ മാന് എന്ന ഹോളിവുഡ് ചിത്രത്തിന്റെ ഷൂട്ടിങിനായി ഇംഗ്ലണ്ടില് പോയപ്പോള് എടുത്ത ഫോട്ടോയാണ് ഇത്. ഒരു കപ്പലില് വച്ച് ധനുഷ് ഐശ്വര്യയുടെ ഫോട്ടോ എടുക്കുന്നതും ഐശ്വര്യ പോസ് ചെയ്തു നിന്നു കൊടുക്കുന്നതും കാണാം.
അതേസമയം ഐശ്വര്യയ്ക്കും മക്കള്ക്കും ഒപ്പമാണ് ധനുഷ് തന്റെ ആദ്യ ഹോളിവുഡ് ചിത്രത്തിന്റെ ഷൂട്ടിങിന് വേണ്ടി ഇംഗ്ലണ്ടില് പോയത്. കഴിഞ്ഞ മാസം ആണ് ഇവര് ഇന്ത്യയില് തിരിച്ചെത്തിയതും. ഈ ഫോട്ടോയിലും ഇവരുടെ സ്നേഹം പ്രകടമാണ്. എന്നിട്ടും ഒരു മാസം കൊണ്ട് ഇവര്ക്കിടയില് എന്തു സംഭവിച്ചു എന്നാണ് പ്രേക്ഷകര് ചോദിക്കുന്നത്.
സോഷ്യല് മീഡിയ വഴി വേര്പിരിയുന്ന കാര്യം അറിയിച്ചെങ്കിലും ഇന്നും ഐശ്വര്യ തന്റെ പേരിനൊപ്പമുള്ള ധനുഷിന്റെ പേരും ഉപേക്ഷിച്ചിട്ടില്ല. ഐശ്വര്യ ആര് ധനുഷ് എന്ന് തന്നെയാണ് ട്വിറ്ററിലും ഇന്സ്റ്റഗ്രാമിലും എല്ലാം . നേരത്തെ പ്രൊഫൈല് ചിത്രം മാറ്റിയിരുന്നു ഐശ്വര്യ .