അമ്മയുടെയും മകളുടെയും ഡാന്‍സ് വീഡിയോ വൈറല്‍ , ശോ സ്റ്റെപ്പ് തെറ്റിയെന്ന് പൂര്‍ണിമയും

നടിയും ഫാഷന്‍ ഡിസൈനറുമായി തിളങ്ങുന്ന താരമാണ് പൂര്‍ണിമ ഇന്ദ്രജിത്ത്. സോഷ്യല്‍ മീഡിയയില്‍ സജീവമായ നടി തന്റെ വിശേഷങ്ങളും സന്തോഷമെല്ലാം ആരാധകരുമായി പങ്കുവെയ്ക്കാറുണ്ട്. ഒരു അമ്മ എങ്ങനെയായിരിക്കണം കുട്ടികളുടെ അടുത്ത് പെരുമാറേണ്ടത് എന്നും പൂര്‍ണ്ണിമ പലപ്പോഴായി തെളിയിച്ചിരുന്നു. തന്റെ രണ്ട് പെണ്‍മക്കള്‍ക്കും പൂര്‍ണ്ണ സ്വാതന്ത്രം ആണ് താരം നല്‍കാര്‍. ഇടയ്ക്ക് പാത്തുവിന്റെ പുതിയ ലുക്ക് ചിത്രത്തിന് താഴെ കമന്റുമായി താരം എത്തിയിരുന്നു.

ഇപ്പോഴിതാ പ്രാര്‍ത്ഥന പങ്കുവച്ച ഒരു വീഡിയോ ആണ് സോഷ്യല്‍ മീഡിയയുടെ ശ്രദ്ധ കവരുന്നത്. പൂര്‍ണിമയ്‌ക്കൊപ്പം ഡാന്‍സ് ചെയ്യുന്ന വീഡിയോയാണ് പ്രാര്‍ത്ഥന പങ്കു വച്ചത്. വീഡിയോക്ക് താഴെ ”ശോ സ്റ്റെപ്പ് തെറ്റി,” എന്ന് പൂര്‍ണിമ ഒരു കമന്റ് ചെയ്തിട്ടുമുണ്ട്.

അമ്മ എന്നതിനെക്കാള്‍ മക്കളുടെ നല്ലൊരു സുഹൃത്ത് കൂടിയാണ് പൂര്‍ണിമ. അവരുടെ ഇഷ്ടങ്ങള്‍ക്കൊപ്പം നില്‍ക്കുന്നൊരാള്‍. മക്കള്‍ക്കൊപ്പം കൂടിയാല്‍ പിന്നെ പൂര്‍ണിമയും അവരിലൊരാളായി മാറും. അവരുടെ പ്രായത്തിലേക്ക് ഇറങ്ങിച്ചെല്ലാറാണ് പതിവ്. നേരത്തെയും മക്കള്‍ക്കൊപ്പം അവധി ആഘോഷിക്കുന്നതിന്റെ ചിത്രം നടി പങ്കുവെച്ചിരുന്നു.

മക്കളുടെ ചിത്രവും സോഷ്യല്‍ മീഡിയയില്‍ തരംഗമാവാറുണ്ട്. പാട്ടിലും മികവ് തെളിയിച്ചിരുന്നു പ്രാര്‍ത്ഥന. നക്ഷത്ര അഭിനയത്തിലും ഒട്ടും പിന്നലല്ലെന്നും തെളിയിച്ചിരുന്നു. അമ്മയെയും അച്ഛനെയും പോലെ തിളങ്ങാനുള്ള പുറപ്പാടിലാണ് താരപുത്രികളും.