അങ്ങനെ ബിഗ് ബോസ് വീട്ടിലെ അവസാനത്തെ ക്യാപ്റ്റന്‍ ആയി റിതു

ബിഗ് ബോസ് ഷോ അവസാനിക്കാന്‍ ആകെ കുറച്ച് ദിവസമെ ബാക്കിയുള്ളു. ഇതിനോടകം തങ്ങളുടെ കഴിവിന്റെ പരമാവധി എല്ലാ മത്സരാര്‍ത്ഥികളും പുറത്തെടുക്കുന്നുണ്ട്. മാത്രമല്ല ഇപ്പോള്‍ കൊടുക്കുന്ന ടാസ്‌ക്കും അല്‍പ്പം കടുപ്പം ഉള്ളത് തന്നെയാണ്. ഇനി വരുന്നതും അങ്ങനെ തന്നെയുള്ളതായിരിക്കും എന്നാണ് അറിയാന്‍ കഴിഞ്ഞത്. കഴിഞ്ഞ ദിവസം ഷോയില്‍ നിന്നും സൂര്യയും രമ്യയുമാണ് പുറത്തുപോയത്. ഇതിനിടെ ബിഗ് ബോസ് വീട്ടില്‍ ക്യാപ്റ്റന്‍ ആയി തിരഞ്ഞെടുത്തിരുന്ന നോബി തന്റെ ക്യാപ്റ്റന്‍ സ്ഥാനം റിതുവിന് വിട്ടുകൊടുത്തിരുന്നു.

റിതു ഇതുവരെ ബിഗ് ബോസ് വീട്ടില്‍ ക്യാപ്റ്റന്‍ ആയിട്ടില്ല. ഏറ്റവും ഒടുവില്‍ നടത്തിയ മത്സരത്തില്‍ നോബിയ്ക്ക് വേണ്ടിയായിരുന്നു അനൂപ് ഇറങ്ങിയത്. മണിക്കുട്ടനോടും റംസാനോടും ഏറ്റുമുട്ടിയാണ് നോബിയ്ക്ക് ഈ വിജയം അനൂപ് നേടി കൊടുത്തത്. അതേ സമയം ബിഗ് ബോസില്‍ ഇതുവരെ ക്യാപ്റ്റനാവാത്തവര്‍ക്ക് ഈയൊരു ചാന്‍സ് കൊടുക്കുമോ എന്ന് മോഹന്‍ലാല്‍. ചോദിച്ചതോടെയാണ് നോബി അത് റിതുവിന് വിട്ടുകൊടുത്തത്.

ഇനി റിതുവും ഡിംപലും ആയിരുന്നു ക്യാപ്റ്റന്‍ ആവാതിരുന്നത്. ഇതില്‍ ഒരാള്‍ക്ക് കൊടുക്കാം എന്ന് പറഞ്ഞപ്പോള്‍, അത് റിതുവിന് നല്‍കനായിരുന്നു ഡിംപലിന്റെ നിര്‍ദ്ദേശം. അങ്ങനെ റിതുവിന് ക്യാപ്റ്റന്‍ പദവി കൊടുക്കുകയായിരുന്നു. വളരെ സന്തോഷത്തോടെയാണ് താന്‍ അത് ഏറ്റുവാങ്ങിയത്. മാത്രമല്ല താന്‍ ക്യാപ്റ്റന്‍ ആയാല്‍ ഒരുപാട് കാര്യങ്ങള്‍ ചെയുമെന്ന് താരം നേരത്തെ തന്നെ വ്യക്തമാക്കിയിരുന്നു.

എന്നാല്‍ പല മത്സരങ്ങളില്‍ നിന്നും ഒഴിഞ്ഞ് നില്‍ക്കുന്ന നോബിക്ക് നേരെ വന്‍ വിമര്‍ശനം ആണ് സോഷ്യല്‍ മീഡിയ വഴി ഉയരുന്നത്. കഴിഞ്ഞ തവണയും നോബിക്ക് വേണ്ടി അനൂപ് ആയിരുന്നു കളിച്ച് ജയിച്ചത്. ഇത് പലരിലും അഭിപ്രായ വ്യത്യാസം ഉണ്ടാക്കി. കളിക്കാന്‍ അല്ലെങ്കില്‍ നോബി എന്തിനാണ് പിന്നെ ഷോയില്‍ വന്നത് എന്നാണ് പ്രേക്ഷകര്‍ ചോദിക്കുന്നത്.