ബിഗ് ബോസ് മലയാളം സീസൺ അഞ്ചിൽ വിജയ് ആയി അഖിൽ മാരാർ. തുടക്കം മുതൽ മികച്ച കളിയുമായി ഹൌസിൽ നിന്ന അഖിൽ മാരാർ വിജയം നേടുമെന്ന് തന്നെയായിരുന്നു പ്രേക്ഷകരുടെ അനുമാനം.
ഇതിൽ യാതൊരു മാറ്റവും ഇല്ലാതെ ഇത്തവണ ബിഗ്ബോസ് കിരീടം അഖിൽ മാരാർ സ്വന്തമാക്കുകയായിരുന്നു.ടൈറ്റിൽ വിന്നർക്ക് 50 ലക്ഷം രൂപയും ട്രോഫിയും ലഭിക്കും.
റനീഷ റഹ്മാൻ ആണ് രണ്ടാം സ്ഥാനം സ്വന്തമാക്കിയിരിക്കുന്നത്. മൂന്നാം സ്ഥലം ജുനൈസ് വിപി യും സ്വന്തമാക്കി.
ഷിജുവും ശോഭ വിശ്വനാഥും പുറത്തായി. ശോഭ രണ്ടാം സ്ഥാനം നേടുമെന്നായിരുന്നു ആരാധകരുടെ പ്രതീക്ഷ.
മാർച്ച് 26ന് 18 മത്സരാർഥികളുമായിട്ടാണ് ഷോ ആരംഭിക്കുന്നത്. ഫിനാലെയുടെ തലേന്ന് സെരിന ആൻ ജോൺസൻ ഹൌസിൽ നിന്നും പുറത്തു പോവുകയായിരുന്നു.
94 ദിവസം ഹൌസിൽ നിന്നും നാദിറയും പുറത്ത് പോയി. പണപ്പെട്ടി വേണോ ഷോയിൽ തുടരുകയാണോ എന്ന ചോദ്യത്തിന് പണപ്പെട്ടി എടുത്തു നാദിറ പുറത്ത് വരികയായിരുന്നു.