ഇന്ത്യയിലെ ഏറ്റവും മികച്ച മുഖ്യമന്ത്രിമാർ ഇവരൊക്കെ, ആദ്യ അഞ്ചും ബിജെപി ഇതര മുഖ്യമന്ത്രിമാർ, പിണറായി വിജയന് എത്രാം സ്ഥാനമാണ് എന്നറിയുമോ?

ഇന്ത്യയിലെ പ്രമുഖ മാസികകളിൽ ഒന്നാണ് ഇന്ത്യ ടുഡേ. വർഷാവർഷം ഇവർ സംഘടിപ്പിക്കുന്ന ഒരു സർവ്വേ ആണ് മൂഡ് ഓഫ് നേഷൻ. ആയിരക്കണക്കിന് ആളുകളിൽ നിന്നും അഭിപ്രായ ശേഖരണം നടത്തിയ ശേഷമാണ് ഇവർ സർവ്വേ പുറത്തുവിടുന്നത്. ഇപ്പോൾ ഇന്ത്യയിലെ ഏറ്റവും മികച്ച മുഖ്യമന്ത്രി ആരാണ് എന്ന സർവേക്ക് ഉള്ള ഉത്തരം ആണ് ഇവർ പുറത്തുവിടുന്നത്. ആദ്യ അഞ്ച് സ്ഥാനങ്ങളിലും ബിജെപി മുഖ്യമന്ത്രിമാർ ഇല്ല എന്നതും കൗതുകകരമാണ്.

തമിഴ്നാട് മുഖ്യമന്ത്രി എം കെ സ്റ്റാലിൻ ആണ് ഇന്ത്യയിലെ ഏറ്റവും മികച്ച മുഖ്യമന്ത്രി ആയി തിരഞ്ഞെടുക്കപ്പെട്ടത്. ആദ്യമായി മുഖ്യമന്ത്രി പദത്തിലെത്തിയ വ്യക്തിയാണ് ഇദ്ദേഹം. വെറും 100 ദിവസം മാത്രമാണ് ഇദ്ദേഹം ഔദ്യോഗികമായി ആ പദവിയിൽ സർവീസ് പൂർത്തിയാക്കിയത്. ഇത്രയും ചുരുങ്ങിയ സമയം കൊണ്ട് തന്നെയാണ് ഇന്ത്യയിലെ ഏറ്റവും മികച്ച മുഖ്യമന്ത്രി എം കെ സ്റ്റാലിൻ തിരഞ്ഞെടുക്കപ്പെട്ടത്. വലിയ രീതിയിലുള്ള വിപ്ലവകരമായ മാറ്റങ്ങളാണ് തമിഴ്നാട്ടിൽ കൊണ്ടുവരാൻ ഇദ്ദേഹം ശ്രമിച്ചു കൊണ്ടിരിക്കുന്നത്. തമിഴ്നാട്ടിൽ പൊതുവെ കണ്ടുവരാറുള്ള പാർട്ടികൾ തമ്മിലുള്ള തൊഴുത്തിൽ കുത്തും തമ്മിൽ തല്ലും ഇത്തവണ ഉണ്ടായില്ല എന്നതും കൗതുകകരമാണ്. എല്ലാ കാര്യങ്ങളിലും പ്രതിപക്ഷത്തെ ചേർത്തുനിർത്തി കൊണ്ടായിരുന്നു സ്റ്റാലിൻ്റെ ഭരണം. വെറും 100 ദിവസത്തിനുള്ളിൽ വലിയ രീതിയിലുള്ള കർമപരിപാടികൾ ആണ് ഇദ്ദേഹം ആവിഷ്കരിച്ചത്. അതുകൊണ്ടുതന്നെ ഇത്രയും ചുരുങ്ങിയ സമയത്തിനുള്ളിൽ ഇന്ത്യയിലെ മികച്ച മുഖ്യമന്ത്രി ആവാൻ ഇദ്ദേഹത്തിനു കഴിഞ്ഞു എങ്കിൽ അതിൽ അത്ഭുതപ്പെടാനൊന്നുമില്ല.

രണ്ടാം സ്ഥാനത്ത് നിൽക്കുന്നത് നവീൻ പട്നായിക്. വർഷങ്ങളായി ഒഡിഷ ഭരിക്കുന്ന മുഖ്യമന്ത്രി ആണ് ഇദ്ദേഹം. ഇത്രയും വർഷങ്ങളായിട്ടും ഇന്ത്യയിലെ ജനങ്ങൾക്ക് മടുത്തില്ല എന്നതുതന്നെ ഇദ്ദേഹത്തിൻറെ ജനപ്രീതിയെ സൂചിപ്പിക്കുന്നു. സ്പോർട്സിനു വലിയ രീതിയിലുള്ള പ്രാധാന്യം നൽകുന്ന വ്യക്തിയാണ് നവീൻ പട്നായിക്. താരതമ്യേന മെച്ചപ്പെട്ട പെർഫോമൻസ് ആയിരുന്നു ഇത്തവണ ടോക്കിയോ ഒളിമ്പിക്സിൽ ഇന്ത്യ കാഴ്ചവച്ചത്. അതുകൊണ്ടുതന്നെ വലിയ രീതിയിൽ അദ്ദേഹം വിധിക്കപ്പെടുകയും ചെയ്തു. നമ്മുടെ മുഖ്യമന്ത്രി പിണറായി വിജയൻ ആണ് മൂന്നാം സ്ഥാനത്ത് ഉള്ളത്.

മഹാരാഷ്ട്ര മുഖ്യമന്ത്രി ഉദ്ധവ് താക്കറെ ആണ് നാലാം സ്ഥാനത്ത് ഉള്ളത്. ഏറ്റവും കൂടുതൽ കൊവിഡ് കേസുകൾ റിപ്പോർട്ട് ചെയ്ത സംസ്ഥാനമായിരുന്നു മഹാരാഷ്ട്ര. പക്ഷേ വളരെ മികച്ച രീതിയിൽ കേസുകളെല്ലാം മഹാരാഷ്ട്ര സർക്കാർ കൈകാര്യം ചെയ്യുന്നു. മാത്രവുമല്ല പോസിറ്റീവ് കേസുകളും മരണ നിരക്കുകളും കുറച്ചു കാണിക്കാനും ഇവർ മുതിർന്നില്ല. ഇന്ത്യ മുഴുവൻ ഒരു എമർജൻസി സിറ്റുവേഷൻ ഉണ്ടായിരുന്നപ്പോഴും മഹാരാഷ്ട്ര എല്ലാ പ്രതിസന്ധികളും വളരെ സുഖമായി മറികടന്നു. അതുകൊണ്ടുതന്നെ ഏറ്റവും കൂടുതൽ അഭിനന്ദനമർഹിക്കുന്ന മുഖ്യമന്ത്രിമാരിൽ ഒരാൾ കൂടിയാണ് ഉദ്ധവ് താക്കറെ. ബംഗാൾ മുഖ്യമന്ത്രി മമതാ ബാനർജി ആണ് അഞ്ചാം സ്ഥാനത്ത് ഉള്ളത്. ആദ്യ അഞ്ച് സ്ഥാനങ്ങളിൽ ഒരെണ്ണം പോലും ബിജെപി മുഖ്യമന്ത്രിമാർക്ക് ലഭിച്ചിട്ടില്ല എന്നതും ശ്രദ്ധേയമായ വിഷയമാണ്.