ബേസില് ജോസഫ്-ദര്ശന രാജേന്ദ്രന് എന്നിവര് കേന്ദ്രകഥാപാത്രമായി എത്തുന്ന പുതിയ ചിത്രമാണ് ജയ ജയ ജയ ജയ ഹേ’. വിപിന് ദാസ് സംവിധാനം ചെയ്തിരിക്കുന്ന ചിത്രം കഴിഞ്ഞ ദിവസമാണ് തീയറ്ററില് എത്തിയത്.
വിപിന് ദാസും നാഷിദ് മുഹമ്മദ് ഫാമി എന്നിവര് ചേര്ന്ന് തിരക്കഥ എഴുതിയിരിക്കുന്ന ചിത്രം മികച്ച പ്രതികരണമാണ് നേടുന്നത്. നിരവധി പേരാണ് ചിത്രത്തിനെ പ്രശംസിച്ച് എത്തുന്നത്.
ഇപ്പോഴിത ചിത്രത്തിനെ കുറിച്ച് എഴുത്തുകാരന് ബന്യാമിന് പറഞ്ഞ വാക്കുകളാണ് സോഷ്യല് മീഡിയയില് ശ്രദ്ധ നേടുന്നത്.ഈ സിനിമയുടെ അണിയറ പ്രവര്ത്തകര്ക്ക് എതിരെ കേസ് കൊടുക്കണം.
ചിരിച്ചുചിരിച്ച് വയറുളുക്കിയതിനു ആര് നഷ്ട പരിഹാരം തരും എന്നാണ് സിനിമ കണ്ടതിന് ശേഷം ബന്യാമിന് സോഷ്യല് മീഡിയയില് കുറിച്ചത്. ബന്യാമിന്റെ സോഷ്യല് മീഡിയ പോസ്റ്റിങ്ങനെ-
ഈ സിനിമയുടെ അണിയറ പ്രവര്ത്തകര്ക്ക് എതിരെ കേസ് കൊടുക്കണം. ചിരിച്ചുചിരിച്ച് വയറുളുക്കിയതിനു ആര് നഷ്ട പരിഹാരം തരും ?? ??
എന്തായാലും തീയേറ്റര് ഒന്നാകെ ഇങ്ങനെ ചിരിച്ചു മറിയുന്നത് അടുത്ത കാലത്തെങ്ങും കണ്ടിട്ടില്ല.
ബേസിലിന്റെ രാജേഷ് സൂപ്പര്. ദര്ശനയുടെ ജയ ഡൂപ്പര്. പക്ഷെ രാജേഷിന്റെ അമ്മയാണ് സൂപ്പര് ഡൂപ്പര്.സംവിധായകന് വിപിന് ദാസിനും സംഘത്തിനും അഭിനന്ദനങ്ങള്-ബന്യാമിന് കുറിച്ചു.
ഒക്ടോബര് 28നാണ് ചിത്രം തിയറ്ററുകളില് പ്രദര്ശനത്തിന് എത്തിയത്. അജു വര്ഗീസ്, അസീസ് നെടുമങ്ങാട്, സുധീര് പരവൂര്, മഞ്ജു പിള്ള, ശരത് സഭ, ഹരീഷ് പെങ്ങന് എന്നിവരാണ് ‘ജയ ജയ ജയ ജയ ഹേ’യിലെ മറ്റ് കഥാപാത്രങ്ങളെ അവതരിപ്പിക്കുന്നത്.
ബേസില് ജോസഫ് ചിത്രത്തിന്റെ ചിത്രത്തിന്റെ ഛായാഗ്രാഹണം നിര്വഹിക്കുന്നത് ബാബ്ലു അജുവാണ്. ജോണ് കുട്ടിയാണ് ചിത്രസംയോജനം നിര്വഹിക്കുന്നത്.
നിരവധി ബോളിവുഡ് ചിത്രങ്ങളില് പ്രവര്ത്തിച്ച സ്റ്റണ്ട് മാസ്റ്റര് ഫെലിക്സ് ഫുകുയോഷി റുവേ ആണ് സംഘട്ടന രംഗങ്ങള് ഒരുക്കുന്നത്. അങ്കിത് മേനോന് ‘ജയ ജയ ജയ ജയ ഹേ’യുടെ സംഗീത സംവിധാനം നിര്വഹിക്കുന്നു.
ലക്ഷ്മി മേനോന്, ഗണേഷ് മേനോന് എന്നിവരാണ് ചിത്രം നിര്മിക്കുന്നത്. ചിയേഴ്സ് എന്റര്ടെയ്ന്മെന്റിന്റിന്റെ ബാനറിലാണ് ‘ജയ ജയ ജയ ജയ ഹേ’യുടെ നിര്മാണം. അമല് പോള്സനാണ് സഹ നിര്മ്മാണം. നിര്മ്മാണ നിര്വഹണം പ്രശാന്ത് നാരായണന്.