ജാതിയില്ല മതമില്ല പുരുഷാധിപത്യമില്ല, മകളുടെ പേര് അറിൻ – മകളുടെ പിറന്നാൾ ദിവസം ആഘോഷമാക്കി അസിൻ

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് അസിൻ തോട്ടുങ്കൽ. കുഞ്ചാക്കോ ബോബൻ നായകനായ നരേന്ദ്രൻ മകൻ ജയകാന്തൻ വക എന്ന സത്യൻ അന്തിക്കാട് ചിത്രത്തിലൂടെയാണ് സിനിമ മലയാള സിനിമയിൽ അരങ്ങേറുന്നത്. എന്നാൽ പിന്നീട് മലയാളത്തിൽ വലിയ വേഷങ്ങളിൽ ഒന്നും തന്നെ അസിൻ പ്രത്യക്ഷപ്പെട്ടിട്ടില്ല. എന്നാൽ തമിഴിലെയും തെലുങ്കിലെയും പിന്നീട് ബോളിവുഡിലും തിരക്കുള്ള താരങ്ങളിൽ ഒരാളായി മാറി അസിൻ.

സൂര്യ നായകനായ ഗജിനി എന്ന ചിത്രത്തിലെ നായികയായി എത്തിയത് അസിൻ ആയിരുന്നു. കൽപ്പന എന്ന കഥാപാത്രത്തെ ആണ് അസിൻ ഗജിനി എന്ന ചിത്രത്തിൽ അവതരിപ്പിച്ചത്. പിന്നീട് പ്രഭുദേവ സംവിധാനം ചെയ്ത വിജയ്‌ ചിത്രം പോക്കിരിയിലും നായികയായി എത്തിയത് അസിൻ തന്നെയായിരുന്നു. ചിത്രം കേരളത്തിൽ വലിയ തരംഗം ആയിരുന്നു സൃഷ്ടിച്ചത്. പിന്നീട് സൽമാൻ ഖാൻ നായകനായ റെഡി അടക്കമുള്ള ബോളിവുഡ് ചിത്രങ്ങളിൽ തിളങ്ങിയ നായികയായിരുന്നു അസിൻ.

മൈക്രോമാക്സ് സ്ഥാപകരിലൊരാളായ രാഹുൽ ശർമ ആണ് അസിന്റെ ഭർത്താവ്. ഇരു മതങ്ങളിൽ വിശ്വസിക്കുന്നവർ ആയിരുന്നു ഇവർ എന്നതുകൊണ്ടുതന്നെ ഹിന്ദു മതാചാര പ്രകാരവും ക്രിസ്ത്യൻ മതാചാരപ്രകാരവും ആയിരുന്നു വിവാഹം നടന്നത്. 2016 വർഷത്തിലായിരുന്നു ഇരുവരുടെയും വിവാഹം. 2017 ഒക്ടോബർ 24ന് ആയിരുന്നു ഇവരുടെ ആദ്യ കുഞ്ഞ് അറിൻ ജനിക്കുന്നത്. കുഞ്ഞിന്റെ മൂന്നാം പിറന്നാളിന് ഇപ്പോൾ അസിൻ പങ്കുവെച്ച കുറിപ്പാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്.

“അറിൻ റയ്ൻ – അവൾക്ക് ഇന്ന് മൂന്ന് വയസ്സ് തികയുന്നു. എൻറെ പേരും രാഹുലിന്റെ പെരും കൂട്ടിച്ചേർത്ത് കൊണ്ടാണ് അറിൻ എന്ന പേര് ഞങ്ങൾ കുഞ്ഞിനുവേണ്ടി സ്വീകരിച്ചത്. ഒരു ഷോർട്ട് സിമ്പിൾ പേര്, ജാതിയില്ല, മതമില്ല, പുരുഷാധിപത്യം ഇല്ല, ആശംസകൾ അറിയിച്ച എല്ലാവർക്കും ഒരുപാട് നന്ദി. ലേറ്റ് പോസ്റ്റിന് ക്ഷമിക്കണം”- അസിൻ ഇൻസ്റ്റഗ്രാമിൽ കുറിച്ചു.