കണ്ണൂരില് ട്രെയിനില് കേരളാ പൊലീസിന്റെ ക്രൂരത. മാവേലി എക്സ്പപ്രസില്വച്ച് എഎസ്ഐ, യാത്രക്കാരനെ എഎസ്ഐ മര്ദിച്ചു. കൃത്യമായ ടിക്കറ്റില്ലാതെ സ്ലീപ്പര് കോച്ചില് യാത്രചെയ്തുവെന്ന കുറ്റത്തിനാണ് യാത്രക്കാരനെ എഎസ്ഐ മര്ദിച്ചത്. ഇതിന്റെ ദൃശ്യങ്ങള് പുറത്തുവന്നു.
ടിക്കറ്റ് പരിശോധിക്കേണ്ടത് ടിടിഇ ആണെന്നിരിക്കെയാണ് പൊലീസുകാരന് യാത്രക്കാരനെ മര്ദിച്ചത്. സ്ലീപ്പര് കംമ്പാര്ട്ട്മെന്റിലേക്ക് പരിശോധനയുമായി എത്തിയ പൊലീസ് ഉദ്യോഗസ്ഥന് യാത്രക്കാരനോട് ടിക്കറ്റ് ചോദിച്ചു. സ്ലീപ്പര് ടിക്കറ്റില്ലെന്നും ജനറല് ടിക്കറ്റ് മാത്രമേയുള്ളു എന്നും യാത്രക്കാരന് മറുപടി നല്കി. കയ്യിലുള്ള ടിക്കറ്റ് എടുക്കാന് പൊലീസുകാരന് ആവശ്യപ്പെട്ടു. ഇതനുസരിച്ച് ഇയാള് ബാഗില് ടിക്കറ്റ് തിരയുന്നതിനിടെയാണ് പൊലീസുകാരന് ബൂട്ടിട്ട് ചവിട്ടുകയും മര്ദിക്കുകയും ചെയ്തത്. സംഭവം വിവാദമായിട്ടുണ്ട്.