വാഹനാപകടത്തെ തുടര്ന്ന് അമേരിക്കന് നടി ആന് ഹെയ്ഷിന് പരുക്ക്. നിലവില് ആശുപത്രിയില് ചികിത്സയില് കഴിയുന്ന നടിയുടെ നില ഗുരുതരമാണെന്ന് അമേരിക്കന് മാധ്യമങ്ങള് റിപ്പോര്ട്ട് ചെയ്തു.
അമിതവേഗത്തിലെത്തിയ ആനിന്റെ മിനി കൂപ്പര് മാര്വിസ്തയിലുള്ള ഇരുനിലെ കെട്ടിടത്തില് ഇടിച്ചാണ് അപകടമുണ്ടായത്. കാറിടിച്ചത് കെട്ടിടത്തില് തീപ്പിടിത്തത്തിന് കാരണമായതായും ലോസ് ഏഞ്ചല്സ് ഫയര് ഡിപ്പാര്ട്ട്മെന്റ് റിപ്പോര്ട്ട് ചെയ്തു. അഗ്നിശമന സേനയുടെ കണക്കനുസരിച്ച് 59 അഗ്നിശമന സേനാംഗങ്ങള് 65 മിനിറ്റ് സമയമെടുത്താണ് തീയണച്ചത്.
സിക്സ് ഡേയ്സ്, സെവന് നൈറ്റ്സ്, ഡോണി ബ്രാസ്കോ തുടങ്ങി 90 കളില് പുറത്തിറങ്ങിയ നിരവധി സിനിമകളില് അഭിനയിച്ചിട്ടുള്ള നടിയാണ് ആന്. ‘അനദര് വേള്ഡ്’ എന്ന സോപ്പ് ഓപ്പറയിലെ ആനിന്റെ അഭിനയം ശ്രദ്ധേയമായിരുന്നു.