ആഗ്രഹിച്ചത് ആയുര്‍വേദ ഡോക്ടര്‍ ആവാന്‍ , എന്നാല്‍ കറങ്ങിത്തിരിഞ്ഞു സിനിമയില്‍ തന്നെ എത്തി ; അനന്യ പറയുന്നു

കുറച്ചുകാലം അഭിനയത്തില്‍ നിന്ന് മാറി നിന്ന ശേഷം വീണ്ടും സിനിമയിലേക്ക് തിരിച്ചു വന്നിരിക്കുകയാണ് നടി അനന്യ. ഭ്രമം എന്ന ചിത്രത്തില്‍ സ്‌നേഹ എന്ന കഥാപാത്രത്തെ വളരെ ഗംഭീരമായി അവതരിപ്പിച്ചുകൊണ്ടാണ് അനന്യ അഭിനയലോകത്തേക്ക് തന്നെ തിരിച്ചെത്തിയിരിക്കുന്നത്. 2008 ല്‍ പോസിറ്റീവ് എന്ന മലയാള ചിത്രത്തിലൂടെയാണ് താരത്തിന്റെ സിനിാമ അരങ്ങേറ്റം . അതേ വര്‍ഷം നാടോടികള്‍ എന്ന തമിഴ് ചിത്രത്തിലും അഭിനയിച്ചു. പിന്നീട് ഒന്നിനുപുറകെ ഓരോ ഓഫറുകള്‍ അനന്യയെ തേടിയെത്തി. എന്നാല്‍ പെട്ടെന്നൊരു ദിവസം അഭിനയത്തില്‍ നിന്ന് മാറി ,തന്റെതായ ലോകത്തേക്ക് പോവുകയായിരുന്നു അനന്യ. ഇപ്പോഴിതാ വലിയൊരു ഇടവേള കഴിഞ്ഞ് വീണ്ടും തിരിച്ചെത്തിയിരിക്കുകയാണ്. ഇപ്പോഴിതാ അനന്യ ബിഹൈന്‍ഡ് വുഡ്‌സിന് നല്‍കിയ അഭിമുഖമാണ് ശ്രദ്ധിക്കപ്പെടുന്നത്.

ചെറുപ്പത്തില്‍ ഡോക്ടര്‍ ആവാന്‍ ആയിരുന്നു താന്‍ ഏറെ ആഗ്രഹിച്ചിരുന്നതെന്ന് നടി പറയുന്നു. എന്നാല്‍ സാഹചര്യം നടയിലേക്ക് എത്തിച്ചു എന്ന് താരം പറയുന്നു. ആയുര്‍വേദ ഡോക്ടര്‍ ആവാന്‍ ആയിരുന്നു തീരുമാനം. എന്നാല്‍ സിനിമയിലെത്തിയതോടെ അതെല്ലാം പിന്നെ മറന്ന് പോയി. അവതാരകന്റെ ചോദ്യത്തിന് ആയിരുന്നു നടിയുടെ മറുപടി.

പത്താം ക്ലാസില്‍ പഠിക്കുന്ന സമയത്ത് , പത്ത് കഴിഞ്ഞാല്‍ എന്ത് എടുക്കണം ഏത് കോഴ്‌സിന് പോകണം എന്നൊക്കെ ഉള്ള ആലോചന വന്നിരുന്നു, എന്തായാലും അപ്പോഴൊക്കെ ഡോക്ടര്‍ ആവണം എന്ന് തന്നെയാണ് മനസ്സില്‍ ,എംബിബിഎസ് ചെയ്തിട്ട് അതില്‍ നമുക്ക് എന്തെങ്കിലും കയ്യബദ്ധം പറ്റിയാല്‍ പ്രശ്‌നമാണല്ലോ ആയുര്‍വേദം ആകുമ്പോള്‍ പിന്നെ കുറെ കഷായവും അരിഷ്ടവും ഒക്കെ അല്ലേ , സേഫ് സോണില്‍ നമുക്ക് കളിക്കാം അതായിരുന്നു ആ സമയത്ത് മനസ്സില്‍ ഉണ്ടായിരുന്നത് എന്ന് ചിരിച്ചുകൊണ്ട് നടി പറഞ്ഞു .

പിന്നെ എങ്ങനെയോ കറങ്ങിത്തിരിഞ്ഞു സിനിമയിലെത്തി. അതേസമയം താന്‍ സ്‌കൂളിലും കോളേജില്‍ പഠിക്കുന്ന സമയത്ത് എല്ലാം വലിയ അലമ്പ് ഒന്നും കാണിക്കാത്ത ഒരാളായിരുന്നു താനെന്ന് അനന്യ പറയുന്നു.