നടി അമലാ പോള് വിവാഹിതയായി. ജഗത് ദേശായിയാണ് വരന്. കൊച്ചി ഗ്രാന്ഡ് ഹയാത്തില് വെച്ചാണ് വിവാഹം എന്നാണ് വരന് ജഗത് ദേശായി പങ്കുവെച്ച ഫോട്ടോകളില് നിന്ന് വ്യക്തമാകുന്നത്. രണ്ട് ഹൃദയങ്ങള്, ഇനി ഒരുമിച്ചെന്നാണ് ഫോട്ടോകള് പങ്കുവെച്ച് ജഗത് ദേശായി എഴുതിയിരിക്കുന്നത്.
ഇനി ജീവിത കാലം മുഴുവന് തന്റെ സ്ത്രീയുമായി കൈകള് കോര്ത്ത് നടക്കുന്നു എന്നും ജഗത് ദേശായി പങ്കുവെച്ചു. ഒട്ടേറെ പേരാണ് അമലയ്ക്കും ജഗത്തിനും ആശംസകള് നേര്ന്ന് എത്തിയിരിക്കുന്നത്.
View this post on Instagram
അമലാ പോളിനെ പ്രൊപ്പോസ് ചെയ്യുന്ന വീഡിയോ നേരത്തെ ജഗത് ദേശായി ഇന്സ്റ്റാഗ്രാമില് പങ്കുവെച്ചിരുന്നു. ഇതോടെയാണ് അമലാ പോള് വീണ്ടും വിവാഹിതയാകുന്നു എന്ന് റിപ്പോര്ട്ടുകളുണ്ടായത്.
അതേസമയം അമല പോളിന്റെ രണ്ടാം വിവാഹമാണിത്. അമലാ പോള് നേരത്തെ തമിഴ് സംവിധായകന് എ എല് വിജയ്യുമായി പ്രണയത്തിലാകുകയും പിന്നീട് വിവാഹം കഴിക്കുകയും ചെയ്തിരുന്നു.
View this post on Instagram
നടി അമലാ പോളിന്റെയും വിജയ്യുടെയും വിവാഹം 2014ലായിരുന്നു നടന്നത്. 2017ല് അമലാ പോളും വിജയ്യും വിവാഹ മോചനം നേടുകയും ചെയ്തത്. അക്കാലത്ത് വിജയ്യുടെ കുടുംബം താരത്തിനെതിരെ രംഗത്ത് എത്തിയിരുന്നു.