ദീപിക പദുക്കോണിന്റെ കൂടെ റോബിന്‍ ഇന്റിമേറ്റ് സീന്‍ ചെയ്യുന്നത് ഇഷ്ടമല്ല; ഭാവി വരന് ബോളിവുഡില്‍ നിന്ന് അവസരം വന്നു എന്ന് അറിഞ്ഞപ്പോള്‍ ആരതി പറഞ്ഞത്

ബിഗ് ബോസിലൂടെ പ്രേക്ഷകരുടെ പ്രിയങ്കരനായി മാറിയ വ്യക്തിയാണ് ഡോക്ടര്‍ റോബിന്‍ രാധാകൃഷ്ണന്‍. ഇതില്‍ നിന്നും പുറത്തുവന്നപ്പോള്‍ വലിയ സ്വീകരണം തന്നെ താരത്തിന് ലഭിച്ചു. ഇപ്പോഴും തന്റെ ആരാധകരെ കാണേണ്ട തിരക്കിലാണ് റോബിന്‍. സോഷ്യല്‍ മീഡിയയില്‍ സജീവമായ താരം തന്റെ കുഞ്ഞു വിശേഷം പോലും പങ്കുവെക്കാറുണ്ട്. 

ഈ മാസമാണ് റോബിന്റെയും ആരതിയുടെ വിവാഹ നിശ്ചയം. ബിഗ്‌ബോസില്‍ നിന്ന് പുറത്തു വന്നശേഷം റോബിനെ അഭിമുഖം ചെയ്യാന്‍ എത്തിയ വ്യക്തിയായിരുന്നു ആരതി, പിന്നീട് ഇവര്‍ അടുത്ത സുഹൃത്തുക്കളായി മാറുകയും വിവാഹത്തിലേക്ക് എത്തുകയും ചെയ്തു. റോബിന്‍ പല വേദികളിലും ആരതിയെ കൂട്ടി എത്താറുണ്ട്.

ഇപ്പോള്‍ റോബിന്റെ ആരതിയുടെ ഒരു അഭിമുഖമാണ് വൈറലാകുന്നത്. ഇതില്‍ ആരതിയെ പ്രാങ്ക് കോള്‍ ചെയ്യുകയായിരുന്നു റോബിനും അവതാരകനും. റോബിന് ബോളിവുഡില്‍ നിന്ന് അവസരം വന്നു എന്നും ദീപിക പദുക്കോണ്‍ ആണ് സിനിമയിലെ നായിക എന്നും അവതാരകന്‍ പറഞ്ഞു. എന്നാല്‍ ചിത്രത്തില്‍ റോബിന് ഇന്റിമേറ്റ് സീനുകള്‍ ഉണ്ടെന്ന് പറഞ്ഞപ്പോള്‍ പറ്റില്ല എന്ന് പറഞ്ഞു.

റോബിനോട് ചോദിക്കാനാണ് ആരതി ആദ്യം ഇതേപ്പറ്റി പറഞ്ഞത്. എന്നാല്‍ റോബിന്‍ സമ്മതിച്ചു ഇനി നിങ്ങളുടെ സമ്മതമാണ് വേണ്ടത് എന്ന് പറഞ്ഞപ്പോള്‍ താന്‍ ഓക്കേ അല്ലെന്ന് ആരതി പറഞ്ഞു. തനിക്ക് നിരവധി അവസരം സിനിമയില്‍ നിന്ന് വന്നതാണ് , എന്നാല്‍ ഇതുപോലുള്ള കാരണങ്ങള്‍ കൊണ്ടാണ് അത് വേണ്ടെന്ന് വെച്ചത്. ചേട്ടന്‍ അഭിനയിച്ച് നല്ല രീതിയില്‍ പോകുന്നതില്‍ സന്തോഷമേയുള്ളൂ , പക്ഷേ ലിമിറ്റ് വിട്ടിട്ടുള്ള ഓവറാക്കലുകളോട് താല്‍പര്യമില്ല ആരതി പറഞ്ഞു. ഇതിനുശേഷമാണ് ഇത് പ്രാങ്ക് കോള്‍ ആയിരുന്നു എന്ന് മനസ്സിലായത്.