ഞാന്‍ ഒരുപാട് സ്നേഹിച്ച വ്യക്തി എന്റെ അടുത്ത് പറഞ്ഞു, നീ കരഞ്ഞ് കാണാന്‍ എനിക്ക് ഒരുപാട് ആഗ്രഹം ഉണ്ട് എന്ന്; നടന്‍ സൂരജ് സണ്‍

സീരിയല്‍ പാടാത്ത പൈങ്കിളി തുടക്കത്തില്‍ കണ്ടവര്‍ ദേവ എന്ന കഥാപാത്രത്തെ അവതരിപ്പിച്ച സൂരജ് സണിനെ ഒരിക്കലും മറക്കില്ല. ആദ്യ പരമ്പരയിലൂടെ തന്നെ ആരാധകരെ സ്വന്തമാക്കാന്‍ ഈ താരത്തിന് സാധിച്ചു. അങ്ങനെ ദിനംപ്രതി ഈ നാടനോട് ഇഷ്ടം കൂടി വന്നു. സീരിയലില്‍ തിളങ്ങി നില്‍ക്കുന്ന സമയത്താണ് സൂരജ് ഇതില്‍ നിന്ന് പിന്മാറുന്നത്. പിന്നീട് സിനിമയിലും താരം എത്തി.
സോഷ്യല്‍ മീഡിയയില്‍ സജീവമായ താരം പങ്കുവെക്കുന്ന പോസ്റ്റുകളെല്ലാം വൈറല്‍ ആവാറുണ്ട്. ഇപ്പോള്‍ കരച്ചിലിനെ കുറിച്ചുള്ള തന്റെ കാഴ്ചപ്പാടാണ് സൂരജ് പങ്കുവച്ചിരിയ്ക്കുന്നത്.

ജീവിതത്തില്‍ ഞാന്‍ ഒരുപാട് സ്നേഹിച്ച വ്യക്തി എന്റെ അടുത്ത് പറഞ്ഞു, നീ കരഞ്ഞ് കാണാന്‍ എനിക്ക് ഒരുപാട് ആഗ്രഹം ഉണ്ട് എന്ന്. ഒരു ദിവസം നീ എന്റെ മുന്നില്‍ കരയണം എന്ന്. പുള്ളി വളരെ പോസിറ്റീവ് ആയിട്ടാണ് പറഞ്ഞത്. കരച്ചില്‍ വരേണ്ട സന്ദര്‍ഭങ്ങളിലും ഞാന്‍ എന്തുകൊണ്ട് കരയുന്നില്ല എന്നാണ് പുള്ളിയ്ക്ക് അറിയേണ്ടിയിരുന്നത്.

പക്ഷെ മറ്റൊരാളുടെ മുന്നില്‍ കണ്ണുനീര്‍ കാണിയ്ക്കുന്നത് എനിക്ക് ഇഷ്ടമല്ല. നിനക്ക് ഞാന്‍ കരഞ്ഞ് കാണണം എന്ന് നിര്‍ബന്ധമാണെങ്കില്‍ നിനക്ക് വേണ്ടി ഞാന്‍ കരയുന്നത് പോലെ കാണിച്ചു തരാം. അല്ലാതെ നിനക്ക് ഞാന്‍ കരയുന്നത് കാണാന്‍ പറ്റില്ല. എനിക്ക് ചിരിച്ച മുഖത്തോടെ മറ്റുള്ളവരെ അഭിമുഖീകരിയ്ക്കുന്നതാണ് ഇഷ്ടം എന്ന് ഞാന്‍ അവനോട് പറഞ്ഞു.

ഞാന്‍ കരയാത്ത ഒരു വ്യക്തിയല്ല. കരഞ്ഞിട്ടുണ്ട്. പക്ഷെ വേറെ ഒരാള്‍ കാണ്‍കെ കരയാറില്ല. എന്റെ കരച്ചിലോ എന്റെ സങ്കടമോ മറ്റുള്ളവരുടെ മുന്നില്‍ കാണിച്ചു കൊടുത്ത് അവിടെ നിന്ന് കിട്ടുന്ന സിംപതിയോട് എനിക്ക് തീരെ താത്പര്യമില്ല. അതുകൊണ്ട് ജീവിതത്തില്‍ യാതൊരു ഗുണവും ഇല്ല. സന്തോഷം വേണമെങ്കില്‍ ആരോടും ഷെയര്‍ ചെയ്യാം. പക്ഷെ സങ്കടം മാത്രം ഷെയര്‍ ചെയ്യരുത്

നമ്മുടെ സങ്കടം മറ്റൊരാളുമായി ഷെയര്‍ ചെയ്തു കഴിഞ്ഞാല്‍, നമ്മള്‍ എന്താണെന്നും എങ്ങിനെയാണ് എന്നും മറ്റുള്ളവര്‍ മനസ്സിലാക്കി കഴിഞ്ഞാല്‍ പിന്നെ നമ്മുടെ കയ്യില്‍ നമ്മളുടെ നിയന്ത്രണം ഉണ്ടാവില്ല. പിടി കൊടുക്കാതെ കഴിയുന്നത് വരെയാണ് പവര്‍. കൊടുത്തു കഴിഞ്ഞാല്‍ തീര്‍ന്നു. നമ്മള്‍ എന്താണെന്ന് പൂര്‍ണമായി മറ്റൊരാള്‍ മനസ്സിലാക്കി കഴിഞ്ഞാല്‍ പിന്നെ നമുക്ക് എന്ത് റോള്‍ ആണ് ഈ ലോകത്ത്- സൂരജ് സണ്‍ പറഞ്ഞു.