കണ്ണൂരിലെ ചെറിയ ക്ഷേത്രം സന്ദർശിച്ചു മോഹൻലാൽ, അധികം അറിയപ്പെടാത്ത ഈ ക്ഷേത്രത്തിലെ മറിക്കൊത്തൽ എന്ന വഴിപാട് കഴിപ്പിച്ച് മോഹൻലാൽ, എന്താണ് ഈ ക്ഷേത്രം എന്നും എന്താണ് ഈ വഴിപാടിനെ പിന്നിലെ ഐതിഹ്യം എന്നും അറിയുമോ?

കണ്ണൂരിലെ ഒരു ചെറിയ ക്ഷേത്രത്തിൽ ദർശനം നടത്തിയിരിക്കുകയാണ് മോഹൻലാൽ ഇപ്പോൾ. കഴിഞ്ഞ ബുധനാഴ്ച രാവിലെ ആണ് ഇദ്ദേഹം ഈ ക്ഷേത്രത്തിൽ ദർശനം നടത്തിയത്. കണ്ണൂരിലെ ഇരിക്കൂർ മാമാനിക്കുന്ന മഹാദേവി ക്ഷേത്രത്തിലാണ് ഇദ്ദേഹം സന്ദർശനം നടത്തിയത്. വ്യാഴാഴ്ച പുലർച്ചെ ആയിരുന്നു താരം ക്ഷേത്രത്തിൽ എത്തിയത്. ദർശനം നടത്തിയ ഉടനെ തന്നെ താരം മടങ്ങുകയും ചെയ്തു. പിന്നീട് വിവിധ പരിപാടികളിൽ താരം കണ്ണൂരിൽ തന്നെ പങ്കെടുക്കുകയും ചെയ്തു.

അതേസമയം അധികം ആരും കേട്ടിട്ടില്ലാത്ത ഒരു ക്ഷേത്രം ആയിരിക്കും മാമാനിക്കുന്ന ക്ഷേത്രം. എന്നാൽ ഈ ക്ഷേത്രത്തിന് പിന്നിൽ വലിയ ചരിത്രവും ഐതിഹ്യവും ഉണ്ട്. ഇവിടുത്തെ പ്രശസ്തമായ മറിക്കോത്തൻ എന്ന വഴിപാട് വിശ്വാസികൾക്കിടയിൽ വളരെ പ്രസിദ്ധമാണ്. നമ്മുടെ ജീവിതത്തിലെ തടസ്സങ്ങൾ നീങ്ങുവാൻ വേണ്ടി ചെയ്യുന്ന ഒരു വഴിപാട് ആണ് ഇത്. ഉരിച്ച തേങ്ങ കൊത്തുന്നത് ആണ് ചടങ്ങ്.

ഉഗ്രരൂപത്തിൽ ദേവി കുടിയിരിക്കുന്ന ക്ഷേത്രമാണ് ഇത് എന്നാണ് ഐതിഹ്യം പറയുന്നത്. 1980 വരെ കോഴി അറവ് ഇവിടെ പതിവായിരുന്നു. കണ്ണൂരിൽ പറശ്ശിനിക്കടവ് മുത്തപ്പൻ ക്ഷേത്രം കഴിഞ്ഞാൽ ഏറ്റവും കൂടുതൽ തിരക്കുള്ള കണ്ണൂരിലെ ക്ഷേത്രം കൂടിയാണ് ഇത് എന്ന പ്രത്യേകതയുണ്ട്. ദുർഗ, ഭദ്രകാളി ഭാവത്തിലാണ് പരാശക്തിയുടെ പ്രതിഷ്ഠ ഇവിടെയുള്ളത്. ശിവൻ, ക്ഷേത്രപാലൻ (കാലഭൈരവ), ശാസ്താവ്, നാഗരാജാവ് എന്നിവ ആണ് ഇവിടത്തെ ഉപദേവത പ്രതിഷ്ഠകൾ.

എന്തായാലും മോഹൻലാലിന്റെ വര പോലെ ഈ ക്ഷേത്രം വീണ്ടും പ്രശസ്തി ആർജ്ജിച്ചിരിക്കുകയാണ്. നിരവധി ആളുകൾ ആയിരിക്കും ഇനി ഈ ക്ഷേത്രത്തിലേക്ക് വരുന്നത് എന്നാണ് അറിയാൻ സാധിക്കുന്നത്. മുണ്ടും നേരിയതും മാത്രം ധരിച്ചാണ് മോഹൻലാൽ ഇവിടെ ദർശനത്തിന് എത്തിയത്. പിന്നീട് വഴിപാട് കഴിക്കുന്ന വീഡിയോയും ഇപ്പോൾ വലിയ രീതിയിൽ സമൂഹം മാധ്യമങ്ങളിൽ വൈറലായി മാറിക്കൊണ്ടിരിക്കുകയാണ്.