ബസ് ചാര്ജ് വര്ധന അനിവാര്യമെന്ന് ഗതാഗതമന്ത്രി ആന്റണി രാജു. ബസ് ചാര്ജ് കൂട്ടേണ്ടി വരും. വിദ്യാര്ത്ഥികളുടെ കണ്സഷനുമായി ബന്ധപ്പെട്ട് തീരുമാനമുണ്ടാകും. ബിപിഎല് വിദ്യാര്ത്ഥികള്ക്ക് സൗജന്യയാത്ര ആലോചനയിലുണ്ട്. മുഖ്യമന്ത്രി പിണറായി വിജയന് തിരിച്ചെത്തിയ ശേഷം ബസ് ചാര്ജ് വര്ധനയില് അന്തിമ തീരുമാനമെടുക്കുമെന്നും ഗതാഗതമന്ത്രി പറഞ്ഞു.
മിനിമം ചാര്ജ് എട്ടില് നിന്ന് പന്ത്രണ്ടായി ഉയര്ത്തണമെന്ന് ഗതാഗത മന്ത്രിയുമായി നവംബറില് നടത്തിയ ചര്ച്ചയില് ബസുടമകള് ആവശ്യപ്പെട്ടിരുന്നു. രണ്ട് മാസം കഴിഞ്ഞിട്ടും സര്ക്കാര് തീരുമാനം ഉണ്ടാകാത്ത സാഹചര്യത്തില് അനിശ്ചിത കാല സമരത്തിലേക്ക് പോകാനൊരുങ്ങുകയാണ് സ്വകാര്യ ബസുടമകള്. ഫെബ്രുവരി ആദ്യവാരം നടക്കുന്ന മന്ത്രിസഭാ യോഗത്തില് നിരക്ക് വര്ധിപ്പിക്കുന്ന കാര്യത്തില് തീരുമാനമുണ്ടായില്ലെങ്കില് യോഗം ചേര്ന്ന് അനിശ്ചിത കാല സമരം തീരുമാനിക്കും.