പോപ്പുലര് ഫ്രണ്ട് ഓഫ് ഇന്ത്യയുടെയും പാര്ട്ടി നേതാക്കളുടെയും ട്വിറ്റര് അക്കൗണ്ടുകള്ക്ക് പുറമേ എസ്ഡിപിഐ നേതാക്കളുടെ ട്വിറ്റര് അക്കൗണ്ടുകളും പൂട്ടി. ദേശീയ പ്രസിഡന്റ് എം.കെ ഫൈസി, കര്ണ്ണാടക സംസ്ഥാന പ്രസിഡന്റ് അബ്ദുല് മജീദ് തുടങ്ങിയവരുടെ അക്കൗണ്ടുകളാണ് പൂട്ടിയത്
പോപ്പുലര് ഫ്രണ്ട് ഓഫ് ഇന്ത്യയുടെ ട്വിറ്റര് പേജ് നേരത്തെ നീക്കം ചെയ്തിരുന്നു. കേന്ദ്രസര്ക്കാറിന്റെ നിര്ദേശത്തെ തുടര്ന്നാണ് നടപടി സ്വീകരിച്ചിരുന്നത്. സംഘടനയുടെ ഔദ്യോഗിക ഫേസ്ബുക്ക്, ഇന്സ്റ്റഗ്രാം പേജുകളും നീക്കംചെയ്തിരുന്നു. പിഎഫ്ഐ ഒഫിഷ്യല് എന്ന ട്വിറ്റര് അക്കൗണ്ടിന് ഏകദേശം 81,000 ഫോളോവേഴ്സ് ആണ് ഉണ്ടായിരുന്നത്. കൂടാതെ, സംഘടനാ ചെയര്മാന് ഒഎംഎ സലാം, ദേശീയ ജനറല് സെക്രട്ടറി അനീസ് അഹമ്മദ് എന്നിവരുടെ ട്വിറ്റര് അക്കൗണ്ടുകളും നീക്കിയിരുന്നു.
തീവ്രവാദ ബന്ധം ആരോപിച്ച് കേന്ദ്ര ആഭ്യന്തര മന്ത്രാലയം പിഎഫ്ഐക്കും അനുബന്ധ സംഘടനകള്ക്കും അഞ്ച് വര്ഷത്തെ വിലക്ക് ഏര്പ്പെടുത്തിയിരുന്നു. ഇതിന് പിന്നാലെയാണ് നടപടി. നേരത്തെ, ഇത് സംബന്ധിച്ച നീക്കം കേന്ദ്രം ആരംഭിച്ചിരുന്നു.