തിരുവനന്തപുരത്ത് ഭര്ത്താവ് ആത്മഹത്യ ചെയ്തതിന് തൊട്ടുപിന്നാലെ ഭാര്യയും ജീവനൊടുക്കി. നെടുമങ്ങാട് ഉഴമലയ്ക്കല് പരുത്തി കുഴിയിലാണ് ഭര്ത്താവും ഭാര്യയും ആത്മഹത്യ ചെയ്തത്. പരുത്തിക്കുഴി സ്വദേശികളായ രാജേഷ് (38), അപര്ണ (26) എന്നിവരാണ് മരിച്ചത്. ഇരുവര്ക്കും മൂന്നര വയസുള്ള മകളുണ്ട്.
രണ്ടാഴ്ചയായി ദമ്പതികള് തമ്മില് അസ്വാരസ്യങ്ങളുണ്ടായിരുന്നു. ഇരുവരും പിരിഞ്ഞ് താമസിക്കുകയായിരുന്നു. അപര്ണ സ്വന്തം വീട്ടിലായിരുന്നു. ഇന്നലെ വൈകിട്ട് വന്ന് രാജേഷ് അപര്ണയെയും കുട്ടിയെയും വീട്ടിലേക്ക് തിരികെവിളിച്ചു. എന്നാല്, അപര്ണ പോകാന് തയ്യാറായില്ല. തുടര്ന്നാണ് രാത്രി വീട്ടിലെത്തി രാജേഷ് തൂങ്ങിമരിച്ചത്.
ഈ വിവരം അറിഞ്ഞ് രാവിലെ പത്തരയോടെ അപര്ണ ആസിഡ് എടുത്തു കുടിക്കുകയായിരുന്നു. വലിയമല പൊലീസ് അസ്വാഭാവിക മരണത്തിന് കേസ് എടുത്തിട്ടുണ്ട്. മൃതദേഹങ്ങള് പോസ്റ്റുമോര്ട്ടത്തിനായി ആശുപത്രിയിലേക്ക് മാറ്റി.