കുത്തിയൊഴുകുന്ന വെള്ളച്ചാട്ടത്തിനിടെ കത്തി ജ്വലിച്ച് നില്‍ക്കുന്ന തീനാളം; ഇത് അണഞ്ഞാല്‍ അന്ന് ലോകാവസാനം; വൈറലായി അമേരിക്കയിലെ ഒരു വെള്ളച്ചാട്ടവും ഇതിന്റെ പിന്നിലെ കഥയും

അത്ഭുതങ്ങള്‍ എവിടെയും എപ്പോള്‍ വേണമെങ്കിലും നടക്കാം. ഇതില്‍ ചിലതൊന്നും നമ്മള്‍ കണ്ണുകൊണ്ടു കണ്ടാല്‍ പോലും വിശ്വസിക്കാന്‍ പറ്റില്ല. അത്തരം സംഭവങ്ങളാണ് നമ്മുടെ ഈ ഭൂമിയില്‍ നടന്നുകൊണ്ടിരിക്കുന്നത്. ഏറെ നിഗൂഢതകള്‍ ഒളിപ്പിച്ച ഒരു വെള്ളച്ചാട്ടത്തിന്റെ ചിത്രമാണ് ഇപ്പോള്‍ സോഷ്യല്‍ മീഡിയയില്‍ എത്തിയിരിക്കുന്നത്. ഇപ്പോള്‍ പുറത്തു വന്ന ഈ വീഡിയോ കണ്ടാല്‍ ആരും ഒന്ന് ഞെട്ടും.

ഇതിന്റെ പ്രത്യേകത എന്തെന്നാല്‍, ഒറ്റനോട്ടത്തില്‍ വളരെ ചെറുതും ഏറെ മനോഹരവുമാണ് എന്നാല്‍ എന്നാല്‍ ഒന്ന് സൂക്ഷിച്ചു നോക്കിയാല്‍ ഈ വെള്ളച്ചാട്ടത്തിന്റെ ഉള്ളിലായി കത്തി ജ്വലിച്ച് നില്‍ക്കുന്ന ഒരു തീനാളമുണ്ട്. കാണുമ്പോള്‍ ഏറെ രസകരം ആണെങ്കിലും ഇതേക്കുറിച്ചുള്ള നിരവധി കഥകള്‍ പ്രചരിക്കുന്നുണ്ട് അമേരിക്കയിലെ ചെസ്‌നട്ട് ഉദ്യാനത്തിലുള്ള വെള്ളച്ചാട്ടം ആണിത്.

ഗവേഷകരുടെ അഭിപ്രായപ്രകാരം, ഈ വെള്ളച്ചാട്ടം സ്ഥിതിചെയ്യുന്ന സ്ഥലത്തുള്ള പാറക്കെട്ടിന് അടിയില്‍ ഉള്ളത് ഷെയില്‍ എന്ന മിശ്രിതമാണ്. ഉയര്‍ന്ന താപനില നിലനില്‍ക്കുന്ന ഈ പാറക്കെട്ടിനുള്ളിലെ കാര്‍ബണ്‍ പദാര്‍ഥങ്ങളാണ് തീനാളത്തിന് ഇന്ധനമായി മാറുന്നത്. അതിനാലാണ് ഇവിടെ തീനാളം കാണുന്നത്.

വെള്ളച്ചാട്ടത്തിനുള്ളില്‍ കാണുന്ന ഈ തീനാളമാണ് ഈ വെള്ളച്ചാട്ടത്തിന് എറ്റേണല്‍ ഫ്ളെയീം വാട്ടര്‍ഫാള്‍ എന്ന പേര് നല്‍കിയതിന് പിന്നിലും. അതേസമയം തീനാളം അണഞ്ഞുപോയാല്‍ ലോകാവസാനമാണ് എന്ന് വിശ്വസിക്കുന്നവരാണ് ഈ നാട്ടിലെ ജനത. നിരവധി പേരാണ് ഈ വെള്ളച്ചാട്ടം കാണാന്‍ എത്തുന്നത്.