അയ്യനെ കാണാന്‍ പോകുന്ന ആളെ മനസ്സിലായോ; ഒരു സൂപ്പര്‍ താരത്തിന്റെ ഭര്‍ത്താവാണിത്-ആരാണെന്ന് പറയാമോ

കൊച്ചി: ജനുവരി 14നാണ് ശബരിമല മകരവിളക്ക്. നിരവധി ഭക്തരാണ് അയ്യപ്പനെ കാണാനായി ഈ സമയം ശബരിമലയ്ക്ക് എത്തുന്നത്. വലിപ്പ ചെറുപ്പമില്ലാതെ അയ്യനെ കാണാന്‍ എത്തുകയാണ് ലക്ഷകണക്കിന് ഭക്തര്‍.

നിരവധി സിനിമ താരങ്ങളും ശബരി മലയിലേക്ക് എത്തുന്നുണ്ട്. അത്തരത്തില്‍ ഇപ്പോഴിത ശബരിമല മകരവിളക്ക് കാണാന്‍ പുറപ്പെട്ട ഒരു സിനിമ പ്രവര്‍ത്തകന്റെ ചിത്രങ്ങളാണ് സോഷ്യല്‍ മീഡിയയില്‍ ശ്രദ്ധ നേടുന്നത്.

അത് മറ്റാരുമല്ല ലേഡി സൂപ്പര്‍സ്റ്റാര്‍ നയന്‍താരയുടെ ഭര്‍ത്താവും സംവിധായകനുമായ വിഘ്‌നേഷ് ശിവനാണ് അയ്യപ്പനെ കാണാന്‍ എത്തിയിരിക്കുന്നത്. വിഘ്‌നേഷ് തന്നെയാണ് ശബരിമലയ്ക്ക് പോകുന്ന വഴിയില്‍ നിന്നുള്ള ചിത്രങ്ങള്‍ സോഷ്യല്‍ മീഡിയയില്‍ പങ്കുവച്ചിരിക്കുന്നത്.

എരുമേലിയിലേക്ക് പോകുന്ന വഴിയിലെ സൈന്‍ ബോര്‍ഡിന് മുന്നില്‍ നിന്നുള്ളതാണ് ഫോട്ടോ. ‘സ്വാമിയേ.. ശരണം അയ്യപ്പ..’, എന്നാണ് ഫോട്ടോയ്ക്ക് കൊടുത്തിരിക്കുന്ന ക്യാപ്ഷന്‍.

കറുപ്പണിഞ്ഞ് മാലയിട്ടാണ് വിഘ്‌നേഷ് ചിത്രത്തിലുള്ളത്. ഇന്‍സ്റ്റാഗ്രാമില്‍ ഇതിനോടകം രണ്ട് ലക്ഷത്തിലേറെ പേരാണ് ഈ ഫോട്ടോയ്ക്ക് ലൈക്ക് അടിച്ചിരിക്കുന്നത്.

ദൈവ ഭക്തനാണ് വിഘ്‌നേഷ് ശിവന്‍. നിരവധി ക്ഷേത്രങ്ങളും ആരാധനാലയങ്ങളും സന്ദര്‍ശിക്കാറുള്ള വിഘ്‌നേഷ് ഈ ചിത്രങ്ങള്‍ സോഷ്യല്‍ മീഡിയയിലൂടെ പങ്കുവയ്ക്കുകയും ചെയ്യാറുണ്ട്.

വിഘ്‌നേഷിന് ഒപ്പം ഭാര്യ നയന്‍താരയും ക്ഷേത്ര സന്ദര്‍ശനങ്ങള്‍ നടത്താറുണ്ട്. അതേസമയം സിനിമയിലേക്ക് എത്തിയാല്‍ അജിത്ത് നായകനായി എത്തുന്ന പുതിയ ചിത്രമാണ് വിഘ്‌നേഷിന്റേതായി പ്രഖ്യാപിച്ചിരിക്കുന്നത്.

ചിത്രത്തില്‍ തൃഷയാണ് നായികയായി എത്തുന്നത്. അനിരുദ്ധ് രവിചന്ദര്‍ സംഗീത സംവിധാനം ചെയ്യുന്ന ചിത്രത്തില്‍ അരവിന്ദ് സ്വാമി വില്ലനായി എത്തുമെന്ന് റിപ്പോര്‍ട്ടുകള്‍ ഉണ്ട്. ജനുവരി 17ന് ചിത്രത്തിന് തുടക്കമാകും എന്നാണ് വാര്‍ത്തകള്‍.