അജിത്ത് വെട്ടിയപ്പോൾ അജിത്തിനെ തിരിച്ചു വെട്ടി വിഘ്‌നേശ് ശിവൻ ; വിഘ്‌നേഷ് ചിത്രത്തിലെ പുതിയ നായകൻ വിജയ് സേതുപതി -റൗഡി വിജയം ആവർത്തിക്കുമെന്ന് സിനിമ പ്രേമികൾ

തമിഴിലെ പ്രശസ്ത സംവിധായകൻ ആണ് വിഘ്‌നേശ് ശിവൻ. നിരവധി ഹിറ്റ്‌ ചിത്രങ്ങൾ ഒരുക്കിയിട്ടുള്ള വിഘ്‌നേഷ് ലേഡി സൂപ്പർ സ്റ്റാർ നയൻതാരയുടെ ഭർത്താവ് എന്ന നിലയിലും പ്രേക്ഷകർക്ക് സുപരിചിതനാണ്.

കാതുവാക്കുള്ള രണ്ട് കാതൽ എന്ന ചിത്രം ആണ് വിഘ്‌നേഷ് അവസാനം സംവിധാനം ചെയ്ത ചിത്രം.

അജിത്തിനെ നായകനാക്കി ‘എകെ 62’ ആയിരിക്കും വിഗ്നേശ് ശിവന്റെ ആറാം ചിത്രം എന്ന് നേരത്തെ പ്രഖ്യാപിച്ചിരുന്നു.

എന്നാൽ പിന്നീട് ഈ ചിത്രത്തിൽ നിന്നും അജിത്തും നിർമാതാക്കളായ ലൈക്ക പ്രോഡക്ഷനും വിഘ്‌നേഷിനെ പുറത്ത് ആക്കിയിരുന്നു.

തന്റെ ട്വിറ്റർ ബയോയിൽ നിന്ന് ‘എകെ 62’ എന്നത് സംവിധായകൻ വിഘ്‌നേഷ് നീക്കിയതോടെ വാർത്തകൾക്ക് സ്ഥിരീകരണവുമായി. എന്നാൽ ‘വിക്കി 6’ എന്ന താൽക്കാലിക നാമത്തിൽ തന്റെ ആറാം ചിത്രം പ്രഖ്യാപിച്ചിരിക്കുകയാണ് വിഗ്നേശ് ഇപ്പോൾ.

പുതിയ ചിത്രത്തിൽ നിന്നും തന്നെ വെട്ടിയ അജിത്തിനെ വെട്ടി വിജയ് സേതുപതിക്ക് ഒപ്പം പുതിയ സിനിമ ചെയ്യും എന്നാണ് റിപ്പോർട്ടുകൾ.

നടനെ സ്ക്രിപ്റ്റുമായി വിഗ്നേശ് സമീപിക്കുകയും വിജയ്ക്ക് ഇഷ്ടപ്പെടുകയും ചെയ്തുവെന്നാണ് റിപ്പോർട്ട്.

നാനും റൗഡി താൻ’, ‘കാതുവാക്കുള രണ്ട് കാതൽ’ എന്നീ ചിത്രങ്ങൾ വിജയ് സേതുപതിയ്ക്കൊപ്പം വിഗ്നേശ് ഒരുക്കിയിട്ടുണ്ട്.

ഈ ഹിറ്റ്‌ വീണ്ടും ആവർത്തിക്കുമെന്ന സന്തോഷത്തിലാണ് വിഘ്‌നേശ് ആരാധകർ. അജിത്തിനേക്കാൾ നല്ലത് വിജെഎസ് ആണ് എന്നാണ് ഇവർ പറയുന്നത്.

അതേസമയം ഫാർസി’ എന്ന നെറ്റ്ഫ്ലിക്സ് സീരീസാണ് വിജയ് സേതുപതിയുടേതായി അവസാനം റിലീസ് ചെയ്തത്. ബോളിവുഡിൽ ‘മുംബൈകാർ’, ‘മേരി ക്രിസ്മസ്’, ‘ജവാൻ’ എന്നീ ലൈൻഅപ്പുകൾ നടനുണ്ട്.