സൈബര്‍ ആക്രമണം മാനസികമായി തളർത്തുന്നു ,ഇതെനിക്ക് വിഷാദത്തിനു കാരണമാകുന്നു ; വീണ നായർ

പ്രേക്ഷകര്ക്ക് ഏറെ പ്രിയപ്പെട്ട താരമാണ് വീണ നായർ. മിനി സ്‌ക്രീനിലൂടെയും നിരവധി സിനിമകളിലൂടെയും പ്രേക്ഷകരെ ചിരിപ്പിക്കുകയും അതിലൂടെ ഹൃദയം കീഴടക്കുകയും ചെയ്ത നടിയാണ് വീണ നായർ .സമൂഹ മാധ്യമങ്ങളിലും നടി ആക്റ്റീവ് ആണ് . രണ്ടു ദിവസം മുൻപാണ് ഒരു പോസ്റ്റിനു താഴെ അശ്ളീല കമന്റ് ഇട്ടവന് ചുട്ട മറുപടിയുമായി വീണ രംഗത്ത് വന്നത്.

സൈബര്‍ ആക്രമണം മാനസികമായി തളര്‍ത്തുന്നു എന്ന് കാട്ടി നടി വീണ നായര്‍ പോലീസില്‍ പരാതി നല്‍കി. കോട്ടയം എസ്പിക്ക് അശ്ലീല കമന്റിലൂടെ അധിക്ഷേപിച്ച വ്യക്തിക്കെതിരെയാണ് വീണ പരാതി നല്‍കിയിരിക്കുന്നത്. ഇമെയിലിലൂടെ അയയ്ച്ച പരാതിയുടെ സ്ക്രീന്‍ഷോട്ട് സോഷ്യല്‍ മീഡിയയില്‍ പങ്കുവെച്ചിരുന്നു.

എനിക്കെതിരെയുളള സൈബര്‍ ആക്രമണം മൂലം ബുദ്ധിമുട്ടാന്‍ തുടങ്ങിയിട്ട് വളരെക്കാലമായി.ഇത് എനിക്ക് വിഷാദത്തിനും നിരാശയ്ക്കും കാരണമാകുന്നതിനാല്‍ ഔദ്യോഗികമായി പരാതി നല്‍കുകയാണ്. തനിക്ക് ഈ വിഷയത്തില്‍ നീതി ലഭിക്കുമെന്നും സ്ത്രീകള്‍ക്കെതിരെയുള്ള സൈബര്‍ ബുള്ളിയിങ്ങിന് അവസാനമാകുമെന്നും പ്രതീക്ഷിക്കുന്നതായും വീണ പരാതിയില്‍ പറയുന്നു.