മലയാളികളുടെ പ്രിയങ്കരനാണ് നടന് ഉണ്ണി മുകുന്ദന്. ആഗ്രഹിച്ചത് പോലെ സിനിമയിലെത്തി ഇപ്പോള് ഉയര്ച്ചകളിലേക്ക് പോയിക്കൊണ്ടിരിക്കുകയാണ് ഈ താരം. സിനിമയെ തന്റെ ജീവന്റെ പാതിയായി തന്നെയാണ് ഉണ്ണി കണ്ടിരുന്നത്. താരത്തിന്റെ നിരവധി ചിത്രം അണിയറയില് ഒരുങ്ങുന്നു.
ഈ അടുത്ത് റിലീസ് ചെയ്ത ഉണ്ണി മുകുന്ദന് ചിത്രം മാളികപ്പുറത്തിന് മികച്ച പ്രതികരണം ആണ് ലഭിക്കുന്നത്. 2022 ഡിസംബര് 30 വെള്ളിയാഴ്ചയാണ് ഉണ്ണി മുകുന്ദന് നായകനായി എത്തിയ മാളികപ്പുറം റിലീസ് ചെയ്തത്.
കല്യാണി എന്ന എട്ടു വയസ്സുകാരിയുടെയും അവളുടെ സൂപ്പര് ഹീറോ ആയ അയ്യപ്പന്റെയും കഥ പറയുന്ന ചിത്രം സംവിധാനം ചെയ്തിരിക്കുന്നത് നവാഗതനായ വിഷ്ണു ശശി ശങ്കറാണ്. പ്രഖ്യാപന സമയം മുതല് തന്നെ ചിത്രം ശ്രദ്ധനേടിയിരുന്നു.
കേരളത്തിലെ തിയറ്ററുകളില് ഗംഭീര പ്രതികരണങ്ങള് നേടി പ്രദര്ശനം തുടരുന്ന മാളികപ്പുറത്തിന്റെ തമിഴ്, തെലുങ്ക് പതിപ്പുകളുടെ റിലീസ് പ്രഖ്യാപിച്ച് ഉണ്ണി മുകുന്ദന്. ജനുവരി ആറ് മുതലാകും ഈ ഭാഷകളില് ചിത്രം പ്രദര്ശനത്തിന് എത്തുക. മാളികപ്പുറം ഏറ്റെടുത്ത മലയാളി പ്രേക്ഷകര്ക്ക് ഉണ്ണി മുകുന്ദന് നന്ദി അറിയിക്കുകയും ചെയ്തു.