ഞാൻ ബിഗ് ബോസിൽ നിൽക്കുമ്പോൾ അവരവിടെ പ്രണയിക്കുകയായിരുന്നു – വിവാഹമോചനത്തിനുശേഷം തന്റെ ജീവിതത്തിലേക്ക് വന്ന കാമുകൻ തന്റെ കൂട്ടുകാരിയുമൊത്ത് തന്നോട് ചെയ്ത ചതി വിവരിച്ചു ആര്യ, ആര്യക്ക് ഇത്രയും ഭയാനകമായ പാസ്റ്റ് ഉണ്ടായിരുന്നു അല്ലേ എന്ന് പ്രേക്ഷകർ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാൾ ആണ് ആര്യ. ബഡായി ബംഗ്ലാവ് എന്ന പരിപാടിയിലൂടെയാണ് താരം ശ്രദ്ധിക്കപ്പെടുന്നത്. ഇപ്പോൾ ഫ്ലവേഴ്സ് ടിവിയിലെ ഒരു കോടി എന്ന പരിപാടിയിൽ പങ്കെടുത്തു കൊണ്ട് തന്നെ ജീവിതത്തിൽ സംഭവിച്ച കാര്യങ്ങളെക്കുറിച്ച് തുറന്നു പറയുകയാണ് താരം. “ബിഗ് ബോസ് എന്ന പരിപാടിയിലേക്ക് വലിയ താല്പര്യത്തോടെ ആയിരുന്നു പോയത്. എന്നാൽ തിരികെ വന്നപ്പോൾ വലിയ വേദനയായിരുന്നു അനുഭവിക്കേണ്ടിവന്നത്. അന്ന് ഒരു പ്രണയ നായകൻ എൻറെ കൂടെ ഉണ്ടായിരുന്നു. അദ്ദേഹം എന്നെ ഇട്ടിട്ടു പോയി. കാലു പിടിക്കാൻ വേണ്ടി ദുബായിലേക്ക് വരെ ഞാൻ പോയിട്ടുണ്ട്” – ആര്യ പരിപാടിയിൽ പറയുന്നു.

“ഞങ്ങൾ ഒരുപാട് നാൾ സുഹൃത്തുക്കളായിരുന്നു. ആദ്യം ഭർത്താവിൻറെ സിസ്റ്ററിന്റെ അടുത്ത സുഹൃത്താണ് അദ്ദേഹം. അങ്ങനെയാണ് ഞങ്ങൾ പരിചയപ്പെടുന്നത്. പിന്നീട് ശക്തമായ പ്രണയമായി മാറി. മൂന്നുകൊല്ലം ലിവിങ് ടുഗെതർ റിലേഷൻഷിപ്പിൽ ആയിരുന്നു. രണ്ട് തവണ വിവാഹം ചെയ്തു ഡിവോഴ്സ് ആയ വ്യക്തിയാണ് അദ്ദേഹം. പബ്ലിസിറ്റി ഇഷ്ടമല്ല എന്നും അതുകൊണ്ട് വ്യക്തിപരമായ വിവരങ്ങൾ ഒന്നും പറയരുത് എന്ന് പറഞ്ഞായിരുന്നു റിലേഷൻഷിപ്പിൽ ആയത്. എന്നാൽ ഇപ്പോൾ ആലോചിക്കുമ്പോൾ ആണ് പബ്ലിസിറ്റി ഇഷ്ടമല്ലാത്തത് അല്ല കാരണം എന്ന് മനസ്സിലാക്കാൻ സാധിക്കുന്നത്” – ആര്യ പറയുന്നു.

“ഈ ബന്ധം വേണ്ട എന്ന് പലരും പറഞ്ഞിരുന്നു. പക്ഷേ പ്രണയത്തിലായിരിക്കുന്ന സമയത്ത് നമ്മുടെ കാഴ്ചയില്ലാത്ത അവസ്ഥയായിരിക്കും. പുറമേ നിന്ന് നോക്കുന്നവർക്ക് ആയിരിക്കും അതിലുള്ള സത്യം മനസ്സിലാവുന്നത്. പക്ഷേ നമുക്ക് അതിൽ തിരിച്ചറിയാൻ സാധിക്കില്ല. അയാൾക്ക് ഇത് വെറും ഹോബി ആയിരുന്നു. എന്നെ ഉപേക്ഷിക്കുവാനുള്ള തീരുമാനം പുള്ളിക്ക് ഉണ്ടായിരുന്നു. സന്തോഷത്തോടെയാണ് എന്നെ ബിഗ് ബോസ് വീട്ടിലേക്ക് പറഞ്ഞുവിട്ടത്. എയർപോർട്ടിൽ ഒക്കെ വെച്ചു കരയുകയായിരുന്നു. ഇനി കുറെ കഴിഞ്ഞല്ലേ കാണാൻ സാധിക്കുകയുള്ളൂ എന്നൊക്കെയായിരുന്നു പറഞ്ഞത്. വീട്ടുകാർക്ക് എല്ലാം ഈ ബന്ധത്തെക്കുറിച്ച് അറിയാമായിരുന്നു. എൻറെ വീട്ടിൽ ആയിരുന്നു ഞങ്ങൾ ഒരുമിച്ച് താമസിച്ചിരുന്നത്. അയാളുടെ ദുബായിലുള്ള ഫ്ലാറ്റിലും ഞങ്ങൾ ഒരുമിച്ചു താമസിച്ചിരുന്നു. നിയമപരമായി വിവാഹം കഴിച്ചില്ലായിരുന്നുവെങ്കിലും ഞങ്ങൾ ഒരുമിച്ചായിരുന്നു താമസം” – താരം കൂട്ടിച്ചേർത്തു.

“എൻറെ അടുത്ത കൂട്ടുകാരിയുമായി അയാൾക്ക് ബന്ധം ഉണ്ടായിരുന്നു. ഞാൻ ബിഗ് ബോസ് വീട്ടിൽ കഴിയുമ്പോൾ അവർ അവിടെ പ്രണയിക്കുകയായിരുന്നു. അവൾ വിവാഹം ചെയ്തതാണ് എന്ന് മാത്രമല്ല ഒരു കുട്ടിയുടെ അമ്മ കൂടിയാണ്. ഡിവോഴ്സ് ആകുന്നതിനുമുമ്പായിരുന്നു അയാൾക്കൊപ്പം ഈ ബന്ധത്തിൽ അവൾ ആയത്. നേരിൽകണ്ട് ഇതെല്ലാം ചോദിച്ചിരുന്നു. പക്ഷേ ഈ നിമിഷം വരെ അയാൾ സമ്മതിച്ചിട്ടില്ല” – തന്റെ ജീവിതത്തിൽ നടന്ന കാര്യങ്ങൾ എല്ലാം തന്നെ ആര്യ ആദ്യമായി വെളിപ്പെടുത്തി.