ഞങ്ങൾ ഒരുമിച്ച് താമസിക്കാൻ തുടങ്ങിയെങ്കിൽ എന്താണ് കുഴപ്പം? ഇതൊന്നും അറിയാത്തവർ അല്ല ഈ ചോദ്യങ്ങളുമായി വരുന്നത്, ഈ നൂറ്റാണ്ടിലും അങ്ങനെയൊക്കെ നോക്കണോ? ചോദ്യങ്ങൾക്ക് മറുപടിയുമായി സീരിയൽ താരങ്ങൾ രാഹുലും അശ്വതിയും

മലയാളികൾക്ക് ഏറെ പ്രിയപ്പെട്ട രണ്ടു താരങ്ങളാണ് രാഹുലും അശ്വതിയും. സീരിയൽ മേഖലയിലൂടെ ആണ് ഇവർ മലയാളികളുടെ ഇഷ്ടം പിടിച്ചു പറ്റുന്നത്. ഇന്നും സമ്മതം എന്ന പരമ്പരയിലൂടെ ആണ് ഇവർ ശ്രദ്ധിക്കപ്പെടുന്നത്. ഇപ്പോൾ പരമ്പരയിൽ ഉള്ളതുപോലെ തന്നെ യഥാർത്ഥ ജീവിതത്തിലും ഒന്നിക്കുവാൻ താല്പര്യപ്പെട്ടിരിക്കുകയാണ് ഇവർ. കഴിഞ്ഞ വർഷമായിരുന്നു ഇവരുടെ വിവാഹനിശ്ചയം നടന്നത്. തങ്ങളുടെ ജീവിതത്തിലെ പുതിയ വിശേഷങ്ങൾ എല്ലാം തന്നെ ഇവർ ഇതിലൂടെ പങ്കുവയ്ക്കാറുണ്ട്. ഇതിന് താഴെ ഒരുപാട് നെഗറ്റീവ് കമൻറുകൾ വരാറുണ്ട്. ഇതിനുള്ള മറുപടിയുമായി പുതിയ വീഡിയോയിൽ എത്തിയിരിക്കുകയാണ്.

“ധാരാളം നെഗറ്റീവ് കമൻറുകൾ വരാറുണ്ട്. ഒരുപാട് ബോഡി ഷേമിംഗ് കമൻറുകൾ വരാറുണ്ട്. ഒരു വീഡിയോയിൽ അനിയത്തി ദേവു വന്നിരുന്നു. അവൾ ആരാണ് എന്ന് മറ്റൊരു വീഡിയോയിൽ ഞാൻ മുൻപ് പറഞ്ഞിരുന്നു. ഇത് പുതിയ സബ്സ്ക്രൈബർ ആണോ എന്നൊക്കെയായിരുന്നു ചിലർ ചോദിച്ചത്. സാമാന്യബോധം ഉള്ളവർക്ക് ആരാണ് എന്ന് മനസ്സിലാവും” – താരം പറയുന്നു.

“ഞങ്ങളുടെ വിവാഹ നിശ്ചയം കഴിഞ്ഞ കാര്യം ഞങ്ങൾ നേരത്തെ തന്നെ അറിയിച്ചതാണ്. എല്ലാ വീഡിയോയിലും ഞങ്ങൾ വിവാഹം ചെയ്യാൻ പോവുകയാണ് എന്ന് പറഞ്ഞു കൊണ്ടിരിക്കാൻ പറ്റില്ലല്ലോ. ചില ആളുകൾ പൊട്ടൻ കളിക്കുകയാണ്. അശ്വതി രാഹുൽ എന്നാണ് യൂട്യൂബ് ചാനലിന്റെ പേര് തന്നെ. ഒന്നുകിൽ അച്ഛന്റെയോ അല്ലെങ്കിൽ ഭർത്താവിന്റെയോ പേരുകൾ ആയിരിക്കും പെൺകുട്ടികൾ ഒപ്പം ചേർക്കുക. എന്നിട്ട് അതെന്തിനാണ് എന്നൊക്കെ ചോദിക്കുന്ന ആളുകൾ കോമൺസെൻസ് ഉപയോഗിച്ച് ചിന്തിച്ചാൽ മനസ്സിലാവും. നിങ്ങൾ ദമ്പതികൾ ആണോ, ശരിക്കും വിവാഹം കഴിച്ചോ എന്നൊക്കെയാണ് ചോദിക്കുന്നത്. ഇതൊക്കെ ഒരാൾ അറിയാതെ വന്ന് ചോദിക്കുന്നതല്ല, മനപ്പൂർവ്വം ഇങ്ങനെയൊക്കെ ചോദിക്കുക തന്നെയാണ്” – രാഹുൽ കൂട്ടിച്ചേർത്തു.

അതേസമയം അശ്വതി തടി കുറയ്ക്കണം എന്നൊക്കെയാണ് ചില ആളുകൾ പറയുന്നത്. ഇത് കൂടാതെ അശ്വതി സംസാരിക്കുമ്പോൾ രാഹുലിനോട് കുറച്ചു ബഹുമാനം ഒക്കെ കാണിക്കണം എന്നാണ് ചിലർ പറയുന്നത്. സമയം ഇപ്പോഴും യജമാനനെ കാണുന്നതുപോലെയുള്ള ബഹുമാനം ഒക്കെ വേണോ എന്നും ഇത് ഏത് കാലഘട്ടമാണ് എന്നൊക്കെയാണ് രാഹുൽ തിരിച്ചു ചോദിക്കുന്നത്.