ലോക്സഭ തെരഞ്ഞെടുപ്പിൽ സ്ഥാനാർത്ഥിക്ക് വേണ്ടി വോട്ട് അഭ്യർത്ഥിച്ച് മഞ്ഞുമ്മൽ ബോയ്സിലെ യഥാർത്ഥ ഹീറോ

കേരളത്തിൽ മാത്രമല്ല അന്യസംസ്ഥാനങ്ങളിലും വലിയ തരംഗം സൃഷ്ടിച്ചു കൊണ്ടിരിക്കുകയാണ് മഞ്ഞുമ്മൽ ബോയ്സ് എന്ന മലയാളം സിനിമ. യഥാർത്ഥ സംഭവങ്ങളെ അടിസ്ഥാനമാക്കിയാണ് ചിത്രം ഒരുക്കിയിരിക്കുന്നത്. ഈ സിനിമയിലെ യഥാർത്ഥ ഹീറോ ആണ് സിജോ ഡേവിസ്. ഇപ്പോൾ ലോക്സഭ തെരഞ്ഞെടുപ്പിലെ ഒരു സ്ഥാനാർത്ഥിക്ക് വേണ്ടി വോട്ട് അഭ്യർത്ഥിച്ചുകൊണ്ട് എത്തിയിരിക്കുകയാണ് ഇദ്ദേഹം.

എറണാകുളം മണ്ഡലത്തിലെ സ്ഥാനാർത്ഥിക്ക് വേണ്ടിയാണ് ഇദ്ദേഹം വോട്ട് അഭ്യർത്ഥിച്ചുകൊണ്ട് ഇപ്പോൾ എത്തിയിരിക്കുന്നത്. എറണാകുളം മണ്ഡലത്തിൽ എൽഡിഎഫ് സ്ഥാനാർത്ഥിയായി മത്സരിക്കുന്നത് കെ ജെ ഷൈൻ ടീച്ചറാണ്. ഇവർക്കൊപ്പം ആണ് സിജോ ഡേവിസ് എത്തിയിരിക്കുന്നത്. തുറന്ന ജീപ്പിൽ ആണ് ഷൈൻ ടീച്ചറുടെ ഒപ്പം സിജോ പ്രത്യക്ഷപ്പെട്ടത്. ഷൈൻ ടീച്ചർ തന്നെയാണ് ഈ ഫോട്ടോസ് സമൂഹ മാധ്യമങ്ങളിൽ പങ്കുവെച്ചത്.

അതേസമയം യുഡിഎഫിന്റെ ഉറച്ച കോട്ടകളിൽ ഒന്നാണ് എറണാകുളം. നിലവിലെ സ്ഥാനാർഥി അവിടെ ഹൈബി ഈഡൻ ആണ്. അതേസമയം ഷൈൻ ടീച്ചറുടെ ഈ സർജിക്കൽ സ്ട്രൈക്ക് മൂവ് കൊണ്ട് എറണാകുളം എൽഡിഎഫിന് ഒപ്പം ഇത്തവണ പോരുമോ എന്നാണ് മലയാളികൾ എല്ലാവരും ഉറ്റു നോക്കുന്നത്.

അക്ഷരാർത്ഥത്തിൽ മലയാള സിനിമയുടെ തലവര മാറ്റിയ സിനിമകളിൽ ഒന്നായിരുന്നു മഞ്ഞുമ്മൽ ബോയ്സ്. ഇതുവരെ ഒരു മലയാളം സിനിമയ്ക്കും ലഭിക്കാത്ത സ്വീകാര്യത ആയിരുന്നു ഈ സിനിമയ്ക്ക് തമിഴ്നാട്ടിൽ ലഭിച്ചത്. ഒന്നിലധികം സംസ്ഥാനങ്ങളിൽ വലിയ തരംഗം സൃഷ്ടിച്ചത് കൊണ്ട് തന്നെ ഏകദേശം 200 കോടി രൂപയാണ് ചിത്രം മൊത്തം കളക്ഷനായി നേടിയത്.