കുരുക്ക് മുറുകുന്നു, സൗബിനെ ഉടൻ ചോദ്യം ചെയ്യും, താരത്തിന് നോട്ടീസ് അയച്ചതായി റിപ്പോർട്ട്

മലയാള സിനിമയുടെ ചരിത്രത്തിൽ ഇടം നേടിയ സിനിമയാണ് മഞ്ഞുമ്മൽ ബോയ്സ്. 200 കോടി രൂപയാണ് ചിത്രം ബോക്സ് ഓഫീസിൽ നിന്നും കളക്ഷൻ ആയി നേടിയത്. ഇതിൽ 100 കോടി തമിഴ്നാട്ടിൽ നിന്നും മാത്രം നേടി എന്നതാണ് ഈ സിനിമയുടെ ഏറ്റവും വലിയ വിജയം. എന്നാൽ ഈ സിനിമയുടെ നിർമാതാക്കൾക്ക് ഇപ്പോൾ കണ്ടകശനിയാണ്. നിർമ്മാതാക്കൾക്ക് എതിരെ ഇപ്പോൾ ഈ ഡി അന്വേഷണം ആരംഭിച്ചിരിക്കുകയാണ്.

സിനിമയുടെ നിർമ്മാതാക്കളിൽ ഒരാളാണ് ഷോൺ ആൻറണി. ഇദ്ദേഹത്തെ കഴിഞ്ഞ ദിവസമാണ് ഈഡി ചോദ്യം ചെയ്തത്. തുടർന്ന് നടനും നിർമാതാവുമായ സൗബിൻ ഷാഹിറിനെ ചോദ്യം ചെയ്യാൻ ഒരുങ്ങുകയാണ് ഇപ്പോൾ ഈ ഡി. ഇതിനുവേണ്ടി ഇദ്ദേഹത്തിന് ഇ ഡി ഉദ്യോഗസ്ഥർ നോട്ടീസ് നൽകിയിട്ടുണ്ട്. കള്ളപ്പണം ഇടപാടുകൾ നടന്നിട്ടുണ്ടോ എന്നാണ് ഈ ഡി അന്വേഷിക്കുന്നത്.

അതേസമയം സാമ്പത്തിക തട്ടിപ്പ് കേസിൽ ആണ് സിനിമയുടെ നിർമാതാക്കൾക്കെതിരെ പോലീസ് കേസെടുത്തിട്ടുള്ളത്. സിനിമയ്ക്ക് ഏഴ് കോടി രൂപ മുടക്കിയ വ്യക്തിക്ക് എന്നാൽ 250 കോടി രൂപ ലാഭം ഉണ്ടായിട്ടും മുടക്ക് മുതൽ ഇതുവരെ നൽകിയിട്ടില്ല എന്നാണ് പരാതിയിൽ പറയുന്നത്. അതേസമയം സിനിമ നിർമാണത്തിന് കള്ള പണം ഉപയോഗിച്ചിട്ടുണ്ടോ എന്നും പരിശോധിക്കുന്നുണ്ട്.

ചിദംബരം സംവിധാനം ചെയ്ത സിനിമ കേരളത്തിന് പുറത്തും വലിയ രീതിയിൽ ശ്രദ്ധ നേടിയിരുന്നു. തുടർന്ന് പരാതിക്കാരൻ ആയ സിറാജ് വലിയ തറ ആണ് ഇപ്പോൾ പോലീസിനെ സമീപിച്ചിരിക്കുന്നത്. ഏഴ് കോടി രൂപയാണ് ഇയാൾ നൽകിയത് എന്നാണ് പറയുന്നത്. ഇതിൽ അഞ്ചു കൂടി 95 ലക്ഷം രൂപ ബാങ്ക് വഴിയാണ് കൈമാറിയത് എന്നാണ് ഇയാൾ പറയുന്നത്. പറവ ഫിലിംസ് പാർട്ണർ ആണ് ഷോൺ ആൻറണി. ഇദ്ദേഹത്തിൻറെ ബാങ്ക് അക്കൗണ്ടുകൾ കോടതി നേരത്തെ മരവിപ്പിച്ചിരുന്നു. അതേസമയം സിനിമയുടെ നിർമാതാക്കൾ നടത്തിയത് ആസൂത്രിത തട്ടിപ്പാണ് എന്നാണ് പോലീസ് പറയുന്നത്. ഷൂട്ടിംഗ് തുടങ്ങുന്നതിനു മുൻപ് തന്നെ സിനിമയുടെ ആദ്യത്തെ ഷെഡ്യൂൾ കഴിഞ്ഞു എന്ന് പരാതിക്കാരനെ വിശ്വസിപ്പിച്ചാണ് ഇയാളിൽ നിന്നും നിർമാതാക്കൾ പണം തട്ടിയത്. 18 കോടി രൂപയ്ക്ക് മുകളിലാണ് സിനിമയുടെ ചെലവ്. എന്നാൽ 22 കോടി രൂപ എന്ന് കള്ളം പറയുകയായിരുന്നു. വാങ്ങിയ പണത്തിന്റെ ഒരു ഭാഗം പോലും ഇതുവരെ തിരികെ നൽകിയിട്ടില്ല എന്നാണ് പോലീസ് പറയുന്നത്.