ആദ്യമായി എനിക്ക് അത് ഒഴിച്ചു വന്നത് ലാലേട്ടനാണ്, അന്ന് ഞാൻ പത്താം ക്ലാസിൽ പഠിക്കുന്നു – പതിറ്റാണ്ടുകൾക്ക് മുമ്പ് നടന്ന സംഭവം തുറന്നുപറഞ്ഞ് വിനീത്

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് വിനീത്. ബാലതാരമായിട്ടാണ് താരം സിനിമയിൽ അരങ്ങേറുന്നത്. നല്ലൊരു നടനാണ് എന്നതിനു പുറമേ നല്ല ഒരു നർത്തകൻ കൂടിയാണ് ഇദ്ദേഹം. ഇടനിലങ്ങൾ എന്ന സിനിമയിലൂടെ ആണ് ഇദ്ദേഹം അഭിനയം കരിയർ ആരംഭിച്ചത്. പത്മരാജനും ഐ വി ശശിയും ഉൾപ്പെടെ മലയാളത്തിലെ പ്രമുഖ സംവിധായകർക്കൊപ്പം എല്ലാം ചെറിയ പ്രായത്തിൽ തന്നെ വിനീത് പ്രവർത്തിച്ചിട്ടുണ്ട്. ഇപ്പോൾ ഡബ്ബിങ് മേഖലയിലാണ് താരം കൂടുതൽ ശ്രദ്ധ കേന്ദ്രീകരിക്കുന്നത്. മലയാളത്തിനു പുറമേ മറ്റുള്ള തെന്നിന്ത്യൻ ഭാഷകളിലും താരം ശ്രദ്ധേയമായ കഥാപാത്രങ്ങളെ അവതരിപ്പിച്ചിട്ടുണ്ട്.

പത്മരാജൻ സംവിധാനം ചെയ്ത മലയാളത്തിലെ എക്കാലത്തെയും മികച്ച ക്ലാസിക് സിനിമകളിലൊന്നാണ് നമുക്ക് പാർക്കാൻ മുന്തിരി തോപ്പുകൾ. ഈ സിനിമയിൽ ഒരു ശ്രദ്ധേയ കഥാപാത്രത്തെ വിനീത് അവതരിപ്പിച്ചിട്ടുണ്ട്. ഈ സിനിമയുടെ ചിത്രീകരണ സമയത്ത് നടന്ന രസകരമായ സംഭവങ്ങൾ വിശദീകരിക്കുകയാണ് വിനീത്. ഒരു സ്വകാര്യ മാധ്യമത്തിന് നൽകിയ അഭിമുഖത്തിലാണ് വിനീത് ആ കാര്യങ്ങളെല്ലാം തന്നെ തുറന്നു പറയുന്നത്.

“അന്നും ഇന്നും ഒരു മാറ്റവും ഇല്ലാത്ത വ്യക്തികളിലൊരാളാണ് മോഹൻലാൽ എന്ന വലിയ മനുഷ്യൻ. ആ സ്നേഹത്തിന് അന്നും ഇന്നും ഒരു അനുഭൂതിയാണ് ഉള്ളത്. നമുക്ക് പാർക്കാൻ മുന്തിരിത്തോപ്പുകൾ എന്ന സിനിമയിൽ ഒരു രംഗത്തിൽ ഞാൻ മദ്യപിക്കുന്നുണ്ടായിരുന്നു. ഒരു ബിയർ കുപ്പി മുഴുവനായി കുടിപ്പിക്കാൻ ആയിരുന്നു ലാലേട്ടൻ അന്ന് ശ്രമിച്ചത്. പക്ഷേ മദ്യം ഒഴിച്ചു തരുകയായിരുന്നു പിന്നീട് ചെയ്തത്. ഈ കാര്യം പറഞ്ഞു സുഹൃത്തുക്കൾ ഇപ്പോഴും എന്നെ കളിയാക്കാറുണ്ട്. മദ്യപാനത്തിൽ നീ ശിക്ഷത്വം സ്വീകരിച്ചത് മോഹൻലാലിൽ നിന്നും അല്ലേ എന്ന് ചോദിച്ചാണ് അവർ കളിയാക്കുന്നത്” – വിനീത് പറയുന്നു.

മലയാളത്തിലെ ഏറ്റവും മികച്ച റൊമാൻറിക് സിനിമകളിലൊന്നാണ് നമുക്ക് പാർക്കാൻ മുന്തിരിത്തോപ്പുകൾ എന്നും ലാലേട്ടൻറെ അഭിനയം കാണുവാൻ അസാധ്യമാണ് ആ സിനിമയിൽ എന്നും വിനീത് കൂട്ടിച്ചേർത്തു. ആ സിനിമയുടെ ഭാഗമാകുവാൻ കഴിഞ്ഞത് വലിയ ഭാഗ്യമാണ് എന്നും അതിനെല്ലാം സാക്ഷ്യം വഹിക്കാൻ കഴിഞ്ഞു എന്നത് അതിലും വലിയ ഭാഗ്യമാണ് എന്നും വിനീത് പറയുന്നു. പത്താംക്ലാസ് കഴിഞ്ഞ സമയത്താണ് ആ കഥാപാത്രം വിനീത് അവതരിപ്പിക്കുന്നത്. വിനീത് അഭിനയിച്ച മൂന്നാമത്തെ സിനിമ കൂടിയാണ് ഇത്. ഡയലോഗ് ഡെലിവറിയെ കുറിച്ച് ഒന്നും വലിയ പിടി ഉണ്ടായിരുന്നില്ല. ഒരുപാട് പേടിച്ചാണ് ആ കഥാപാത്രം ചെയ്തത്. പക്ഷേ പത്മരാജൻ സാറിന് എല്ലാറ്റിനെക്കുറിച്ചും കൃത്യമായ ഒരു ധാരണ ഉണ്ടാവും.