എടാ മോനെ ലൈസൻസ് ഉണ്ടോ? ആവേശത്തിലെ രംഗണ്ണയുടെ ഡ്രൈവിംഗ് ലൈസൻസ് പുറത്തുവിട്ട് സംവിധായകൻ, രംഗയുടെ യഥാർത്ഥ പേരും വയസ്സും ഇതാ

ഇത്തവണത്തെ വിഷു റിലീസുകളിൽ ഒന്നായിരുന്നു ആവേശം. ഫഹദ് ഫാസിൽ ആണ് സിനിമയിലേ കേന്ദ്ര കഥാപാത്രത്തെ അവതരിപ്പിച്ചത്. രംഗണ്ണാ എന്ന കഥാപാത്രത്തെയാണ് താരം ഈ സിനിമയിൽ അവതരിപ്പിച്ചത്. രഞ്ജിത്ത് ഗംഗാധരൻ എന്നാണ് ഈ കഥാപാത്രത്തിന്റെ യഥാർത്ഥ പേര്. ഇത് നമ്മൾ ഇപ്പോൾ അറിയുന്നത് അദ്ദേഹത്തിൻറെ ഡ്രൈവിംഗ് ലൈസൻസ് കാണുമ്പോൾ ആണ്. സിനിമയിൽ ഏറെ പൊട്ടിച്ചിരി ഉണ്ടാക്കിയ സീനുകളിൽ ഒന്നായിരുന്നു ഇത്.

“എടാ മോനെ ലൈസൻസ് ഉണ്ടോ? ഇല്ലെങ്കിൽ എന്റെ ലൈസൻസ് അംബാന്റെ അടുത്തുണ്ട്, അത് വാങ്ങിച്ചോ” – ഇതായിരുന്നു സിനിമയിൽ ഏറെ പൊട്ടിച്ചിരി ഉണ്ടാക്കിയ ഡയലോഗ്. ഇപ്പോൾ ഈ കഥാപാത്രത്തിന്റെ ഡ്രൈവിംഗ് ലൈസൻസ് പുറത്തുവിട്ടിരിക്കുകയാണ് സിനിമയുടെ സംവിധായകൻ. ജിത്തു മാധവൻ ആണ് സിനിമ സംവിധാനം ചെയ്തിരിക്കുന്നത്. ഇദ്ദേഹത്തിൻറെ രണ്ടാമത്തെ സിനിമയാണ് ഇത്. ഇദ്ദേഹത്തിൻറെ ഒന്നാമത്തെ സിനിമ രോമാഞ്ചവും വലിയ രീതിയിൽ കോളിളക്കം സൃഷ്ടിച്ച സിനിമകളിൽ ഒന്നായിരുന്നു.

അതേസമയം രംഗണ്ണാ എന്ന പവർഫുൾ പേരിന് പിന്നിൽ രഞ്ജിത്ത് ഗംഗാധരൻ എന്ന ഒരു സാധാരണ പേരുണ്ട് എന്നത് പ്രേക്ഷകർക്ക് ഇപ്പോൾ വലിയ കൗതുകമായി തോന്നുകയാണ്. സ്വന്തം പേരിൻറെ ആദ്യത്തെ ഒരു അക്ഷരവും പിതാവിൻറെ പേരിൻറെ ആദ്യത്തെ അക്ഷരവും ചേർത്താണ് രംഗ എന്ന പേര് ഈ കഥാപാത്രം സ്വയം സ്വീകരിച്ചിരിക്കുന്നത്. കുറച്ചു ദിവസങ്ങൾക്കു മുൻപ് ഈ കഥാപാത്രം ചെയ്ത ഒരു ടിക്ക് ടോക്ക് വീഡിയോ പുറത്തുവന്നിരുന്നു.

കരിങ്കാളി അല്ലേ എന്ന പാട്ടിന് എക്സ്പ്രഷൻ ഇടുന്ന രംഗണ്ണയുടെ റീലായിരുന്നു അത്. ഇത് വലിയ രീതിയിൽ തരംഗമായി മാറുകയും ചെയ്തിരുന്നു. നിരവധി ആളുകൾ ആണ് ഈ പാട്ടിന് ഇപ്പോൾ റീലുകൾ ചെയ്തുകൊണ്ട് എത്തുന്നത്. എന്തായാലും ചിത്രം തിയേറ്ററുകളിൽ നിറഞ്ഞു എന്ന് മാത്രമല്ല ഇതിനോടകം 100 കോടി കളക്ഷൻ നേടുകയും ചെയ്തു. സിനിമ ഉടൻതന്നെ 150 കോടി ക്ലബ്ബിൽ ഇടം നേടുകയും എന്നത് ഏകദേശം ഉറപ്പായിരിക്കുകയാണ് ഇപ്പോൾ.