സിനിമ മേഖലയിൽ അപ്രതീക്ഷിത വിയോഗം, ആദരാഞ്ജലികൾ അർപ്പിച്ചു പ്രേക്ഷകർ

അപ്രതീക്ഷിതമായ ഒരു വിയോഗമാണ് ഇപ്പോൾ ഉണ്ടായിരിക്കുന്നത്. തമിഴ് സിനിമ മേഖലയിൽ നിന്നുമാണ് ഈ വിയോഗം ഉണ്ടായിരിക്കുന്നത്. തമിഴകത്തിന്റെ പ്രിയ ഗായികമാരിൽ ഒരാൾ ആയിരുന്നു ഉമാ രമണൻ. ഇവർ ഇപ്പോൾ നമ്മളെ വിട്ടു പിരിഞ്ഞിരിക്കുകയാണ് എന്ന വാർത്തകളാണ് പുറത്തുവരുന്നത്. 72 വയസ്സ് ആയിരുന്നു ഇവരുടെ പ്രായം.

മെയ് ഒന്നാം തീയതി ആണ് വിയോഗം നടക്കുന്നത്. ചെന്നൈയിലെ ഇവരുടെ വസതിയിൽ വച്ചാണ് വിയോഗം നടക്കുന്നത്. അതേസമയം മരണകാരണം എന്താണ് എന്ന് കൃത്യമായി വ്യക്തമായിട്ടില്ല എങ്കിലും വാർദ്ധക്യസഹജമായ അസുഖങ്ങൾ തന്നെയാവണം എന്നാണ് ലഭിക്കുന്ന റിപ്പോർട്ടുകൾ. ഇവരുടെ ഭർത്താവാണ് എ വി രമണൻ. വിഗ്നേഷ് എന്നാണ് ഇവരുടെ മകൻറെ പേര്. അതേസമയം നിരവധി ആളുകൾ ആണ് ഇവർക്ക് അനുശോദനം അറിയിച്ചുകൊണ്ട് രംഗത്തെത്തുന്നത്.

തമിഴിലെ നിരവധി ഹിറ്റ് ഗാനങ്ങൾ ഇവരായിരുന്നു പാടിയത്. 1977 വർഷത്തിൽ ആയിരുന്നു ഇവർ അരങ്ങേറ്റം നടത്തിയത്. ശ്രീകൃഷ്ണ ലീല എന്ന ഗാനത്തോടെ ആയിരുന്നു ഇവർ പിന്നണി ഗാന മേഖലയിൽ എത്തുന്നത്. ഭർത്താവിനൊപ്പം ആയിരുന്നു ഇവർ ഈ മേഖലയിലേക്ക് കടന്നെത്തിയത്. പിന്നണി ഗാനം ശൃംഖലയ്ക്ക് പിന്നാലെ നിരവധി കച്ചേരികളിലും ഇവർ പങ്കെടുത്തിട്ടുണ്ട്. 35 വർഷമായി ഇവർ കച്ചേരി മേഖലയിൽ വളരെ സജീവമായിരുന്നു. ഈ വർഷത്തിനിടയിൽ ഏകദേശം 6000ത്തിൽ അധികം കച്ചേരികളിൽ ഇവർ നടത്തിയിട്ടുണ്ട് എന്നാണ് മാധ്യമങ്ങൾ റിപ്പോർട്ട് ചെയ്യുന്നത്.

ഇളയരാജയുടെ ഒപ്പം ഇവർ ധാരാളം പാട്ടുകൾ പാടിയിട്ടുണ്ട്. ഇളയരാജയുടെ നൂറോളം ഗാനങ്ങൾ ഇവർ പാടിയിട്ടുണ്ട്. ഭൂപാലം ഇസയിക്കും, അന്തരാഗം കേൾക്കും കാലം, പൂമാനമേ തുടങ്ങിയ ധാരാളം പാട്ടുകൾ ആണ് ഇവർ പാടിയിട്ടുള്ളത്. വിജയി കേന്ദ്ര കഥാപാത്രത്തെ അവതരിപ്പിച്ച തിരുപ്പാച്ചി എന്ന സിനിമയിലെ കണ്ണും കണ്ണും താൻ കലന്താച്ച് എന്ന ഗാനമാണ് ഇവർ അവസാനമായി പാടിയിട്ടുള്ളത്. മണി ശർമ ആയിരുന്നു ഈ ഗാനത്തിന് ഈണം പകർന്നത്.