മാളികപ്പുറം സിനിമയുടെ പുതിയ പോസ്റ്റർ പങ്കുവെച്ച് ഉണ്ണി മുകുന്ദൻ, പോസ്റ്റിന് താഴെ വന്ന് കമന്റിന് താരം നൽകിയ കിടിലൻ മറുപടി കണ്ടോ?

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് ഉണ്ണിമുകുന്ദൻ. യാതൊരുവിധ സിനിമ പാരമ്പര്യവും ഇല്ലാത്ത കുടുംബത്തിൽ നിന്നുമാണ് ഇദ്ദേഹം വരുന്നത്. ഇന്ന് മലയാളത്തിലെ മുൻനിര യുവതാരങ്ങളിൽ ഒരാളാണ് ഇദ്ദേഹം. അഭിനയ മേഖലയിൽ മാത്രമല്ല നിർമ്മാണ മേഖലയിലും ഇദ്ദേഹം കഴിവ് തെളിയിച്ചിട്ടുണ്ട്. മേപ്പടിയാൻ എന്ന സിനിമയായിരുന്നു ഇദ്ദേഹം ആദ്യമായി നിർമ്മിച്ചത്. ഇതിനുശേഷം ഷെഫീക്കിന്റെ സന്തോഷം എന്ന സിനിമയും ഇദ്ദേഹം നിർമ്മിച്ചു. ഈ രണ്ടു സിനിമകളിലും കേന്ദ്ര കഥാപാത്രത്തെ അവതരിപ്പിച്ചത് ഉണ്ണി മുകുന്ദൻ തന്നെയായിരുന്നു.

ഇപ്പോൾ ഉണ്ണി മുകുന്ദൻ നായകനായി എത്തുന്ന ഏറ്റവും പുതിയ ചിത്രമാണ് മാളികപ്പുറം. സിനിമയുടെ ട്രെയിലർ കഴിഞ്ഞദിവസം ആയിരുന്നു പുറത്തുവന്നത്. വളരെ മികച്ച ഒരു ട്രെയിലർ ആയിരുന്നു ഇത്. അതുകൊണ്ടുതന്നെ സിനിമയുടെ റിലീസ് തീയതി എന്നാണ് എന്നറിയാൻ ഉള്ള ആകാംക്ഷയിലാണ് ആരാധകർ. കഴിഞ്ഞദിവസം ഉണ്ണിമുകുന്ദൻ സിനിമയുടെ ഏറ്റവും പുതിയ ഒരു പോസ്റ്റർ പങ്കുവെച്ചിരുന്നു.

സിനിമയുടെ റിലീസ് തീയതി എന്നാണ് എന്ന് ചോദിച്ചു കൊണ്ട് നിരവധി കമൻറുകൾ ആയിരുന്നു പ്രത്യക്ഷപ്പെട്ടത്. ഇപ്പോൾ അത്തരത്തിൽ ഒരു കമൻറ് ആണ് ശ്രദ്ധിക്കപ്പെടുന്നത്. ദയവായി റിലീസ് തീയതി അനൗൺസ് ചെയ്യൂ എന്നാണ് ഒരു വ്യക്തി കമൻറ് ആയി എഴുതിയിരിക്കുന്നത്. ഇതിന് കലക്കൻ മറുപടി നൽകിക്കൊണ്ട് ഉണ്ണിമുകുന്ദൻ തന്നെ രംഗത്ത് എത്തുകയും ചെയ്തു.

“യു മീൻ തേങ്ങാ ഉടക്ക് സാമി” – ഇതായിരുന്നു ഉണ്ണിമുകുന്ദൻ നടത്തിയ കമൻ്റ്. മിഥുനം എന്ന സിനിമയിലെ സൂപ്പർ ഹിറ്റ് ഡയലോഗ് ആണ് ഇത്. സിനിമയുടെ റിലീസ് തീയതി ഇദ്ദേഹം കൃത്യമായി പറഞ്ഞിട്ടില്ല എങ്കിലും ജനുവരി രണ്ടാം വാരം തന്നെ ചിത്രം തീയേറ്ററുകളിൽ എത്തും എന്നാണ് പ്രേക്ഷകർ കരുതുന്നത്. കാരണം അയ്യപ്പഭക്തന്മാരുടെ കഥ പറയുന്ന ചിത്രം ആയതുകൊണ്ട് തന്നെ മകരവിളക്ക് അല്ലാതെ മറ്റ് ഏത് ഡേറ്റ് ആണ് ഇത്രയും പെർഫെക്റ്റ് ആയി ഒത്തു വരിക എന്നാണ് ഇപ്പോൾ ആരാധകർ ചോദിക്കുന്നത്.