അതിലും നല്ലത് എന്നെ വെടിവെച്ചു കൊല്ലുന്നതാണ് – റോബിൻ രാധാകൃഷ്ണനെ കുറിച്ച് മനോജ് പറയുന്നത് കേട്ടോ? ഞങ്ങൾ ഫാൻസ് വെറുതെയിരിക്കില്ല എന്ന് റോബിൻ ആരാധകർ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് മനോജ്. സീരിയൽ മേഖലയിലൂടെ ആണ് ഇദ്ദേഹം ശ്രദ്ധിക്കപ്പെടുന്നത്. ഇദ്ദേഹത്തിൻറെ ഭാര്യ ആണ് ബീന ആൻറണി. ഇവർക്ക് സ്വന്തമായി ഒരു യൂട്യൂബ് ചാനൽ കൂടിയുണ്ട്. തങ്ങളുടെ പുതിയ വിശേഷങ്ങൾ എല്ലാം തന്നെ ഇവർ ആരാധകരുമായി ഇതിലൂടെ പങ്കുവെക്കാറുണ്ട്. ഇപ്പോൾ ബിഗ് ബോസ് പരിപാടിയെ കുറിച്ചുള്ള അഭിപ്രായം പറയുകയാണ് മനോജ്.

മനൂസ് വിഷൻ എന്നാണ് ഇദ്ദേഹത്തിന്റെ ചാനലിന്റെ പേരു. ബിഗ് ബോസ് പരിപാടിയെ കുറിച്ചുള്ള അഭിപ്രായങ്ങൾ ഇദ്ദേഹം ഈ ചാനൽ വഴി പങ്കു വയ്ക്കാറുണ്ട്. ഇപ്പോൾ കഴിഞ്ഞ സീസണിലെ റോബിനെ കുറിച്ച് സംസാരിക്കുകയാണ് ഇദ്ദേഹം. കൂടാതെ ഈ സീസണിലെ സജീവ മത്സരാർത്ഥികളിൽ ഒരാൾ ആയിട്ടുള്ള അഖിലിനെ കുറിച്ചും ഇദ്ദേഹം പരാമർശം നടത്തുന്നുണ്ട്. യൂട്യൂബ് ചാനലിൽ ആണ് ഇദ്ദേഹം ഈ കാര്യങ്ങൾ എല്ലാം തന്നെ തുറന്നു പറഞ്ഞത്.

ഈ സീസണിലെ മത്സരാർത്ഥികളെ കുറിച്ച് വലിയ പരിചയം ഇല്ലാത്തതുകൊണ്ടും അവരുടെ പേരുകൾ പഠിച്ചു വരുന്നതേയുള്ളൂ എന്നതുകൊണ്ടുമാണ് ഇതുവരെ വീഡിയോ ഇടാത്തത് എന്നാണ് ഇദ്ദേഹം പറഞ്ഞത്. കഴിഞ്ഞദിവസം അഖിൽ മാരാരേ വെച്ച് ഒരു ട്രോൾ ഇട്ടിരുന്നു ഇദ്ദേഹം. എന്നാൽ അത് അഖിലിനോട് ഉള്ള വെറുപ്പ് കൊണ്ട് അല്ല എന്നാണ് മനോജ് പറയുന്നത്. അഖിലിന്റെ പണ്ടത്തെ ഒരു വീഡിയോയിൽ ബിഗ് ബോസ് പരിപാടി പുച്ഛമാണ് എന്ന് അഖിൽ പറയുന്നുണ്ട്. എന്നിട്ടും അഖിൽ പരിപാടിയിൽ പോയത് നിലപാടില്ലായ്മയാണ് എന്നാണ് മനോജ് പറയുന്നത്.

“ഞാൻ ഒരു റോബിൻ ഫാൻ ആണെന്ന് ഒരുപാട് ആളുകൾ പറയുന്നത് കേട്ടു. എന്നാൽ അത് ഒരിക്കലും ശരിയല്ല. അതിലും നല്ലത് എന്നെ വെടിവെച്ച് കൊല്ലുകയാണ്. റോബിൻ ഫാൻ ആണ് എന്ന് കേൾക്കുന്നത് തന്നെ അപമാനമാണ്. ഞാൻ ഒരിക്കലും അദ്ദേഹത്തെ താഴ്ത്തി കെട്ടുന്നത് അല്ല. പക്ഷേ എൻറെ ആരാധന മൂർത്തിയാകാൻ അദ്ദേഹം ഒരു നടനുമല്ല പാട്ടുകാരനും അല്ല സ്പോർട്സ് മാനുമല്ല. അദ്ദേഹം ഒരു ഡോക്ടറും ബിഗ് ബോസ് മത്സരാർത്ഥിയും മാത്രമാണ്. അങ്ങേര് എന്ത് പേക്കൂത്ത് കാണിച്ചാലും ഞാൻ സപ്പോർട്ട് ചെയ്യാറില്ല” – മനോജ് കാര്യം വ്യക്തമാക്കി.