ഉമ്മച്ചിക്ക് പിറന്നാൾ ആശംസകൾ നേർന്ന ദുൽഖർ സൽമാൻ, ആശംസകൾ നേർന്നു പങ്കുവെച്ച ചിത്രത്തിൽ ഉമ്മ ധരിച്ച സാരിക്ക് പിന്നിലെ കഥ വിവരിച്ച് ദുൽഖർ

മലയാളത്തിലെ ഏറ്റവും ജനപ്രിയ താരങ്ങളിൽ ഒരാളാണ് ദുൽഖർ സൽമാൻ. മലയാളത്തിലെ മാത്രമല്ല ഇന്ന് ഇന്ത്യയിലെ തന്നെ ഒരുവിധം എല്ലാ ഫിലിം ഇൻഡസ്ട്രികളിലും അറിയപ്പെടുന്ന താരങ്ങളിൽ ഒരാളാണ് ദുൽഖർ. ധാരാളം ആരാധകരെയാണ് ഇദ്ദേഹം തമിഴ് ഭാഷയിലും തെലുങ്ക് ഭാഷയിലും സ്വന്തമാക്കിയിട്ടുള്ളത്. എങ്കിലും ഇദ്ദേഹത്തിന് മലയാളത്തിൽ ഒരു സോളോ ഹിറ്റ് ലഭിച്ചിട്ട് വർഷങ്ങളായി എന്നതും ഒരു യാഥാർത്ഥ്യമാണ്.

സമൂഹമാധ്യമങ്ങളിൽ ഇദ്ദേഹം വളരെ സജീവമാണ്. ഇപ്പോൾ ഇദ്ദേഹം ഇദ്ദേഹത്തിൻറെ ജീവിതത്തിലെ വളരെ വിശേഷപ്പെട്ട ഒരു കാര്യം അറിയിക്കുകയാണ്. ഇന്ന് ദുൽഖറിന്റെ ഉമ്മച്ചിയുടെ പിറന്നാൾ ആണ്. സുൽഫത്ത് എന്നാണ് ഉമ്മയുടെ പേര്. നിരവധി ആരാധകർ ആണ് ഇവർക്കും ഉള്ളത്. ഇവർ പൊതുവേദികളിൽ ഒന്നും തന്നെ അങ്ങനെ പ്രത്യക്ഷപ്പെടാറില്ല എങ്കിലും ഇവരുടെ വിശേഷങ്ങൾ എല്ലാം തന്നെ വലിയ രീതിയിൽ ആരാധകർ ചർച്ച ചെയ്യാറുണ്ട്.

ഇന്ന് ഉമ്മച്ചിക്ക് പിറന്നാളാശംസകൾ നേർന്നുകൊണ്ട് ദുൽഖർ ഇട്ട പോസ്റ്റ് ആണ് ശ്രദ്ധിക്കപ്പെടുന്നത്. ഫേസ്ബുക്കിലും ഇൻസ്റ്റാഗ്രാമിലും ഒരുപോലെ ദുൽഖർ ഈ പോസ്റ്റ് ഇട്ടിട്ടുണ്ട്. ഈ ഫോട്ടോയിൽ ഉമ്മച്ചി ധരിച്ച സാരിക്ക് പിന്നിലെ കഥ പറയുകയാണ് ദുൽഖർ. ഇത് തന്നെ തന്റെ കുട്ടിക്കാല ഓർമ്മകളിലേക്ക് കൂട്ടിക്കൊണ്ടുപോയി എന്നാണ് ദുൽഖർ പറയുന്നത്.

“പ്രിയപ്പെട്ട ഉമ്മച്ചി, നിങ്ങൾക്ക് പിറന്നാൾ ആശംസകൾ നേരുന്നു. പിറന്നാൾ ദിനത്തിൽ ഇടുവാൻ ഒരു നല്ല പിക്ക് നോക്കി നടന്ന എൻറെ കണ്ണിൽ ഈ ചിത്രം ഉടക്കുകയായിരുന്നു. ഈ ചിത്രത്തിൽ ഉമ്മച്ചി ധരിച്ചിരിക്കുന്ന സാരി കാണുമ്പോൾ എനിക്ക് പല കുട്ടിക്കാലം ഓർമ്മകളും വരികയാണ്. അന്ന് ഞാൻ മറിയത്തിനേക്കാൾ ചെറുതായിരുന്നു. ഉമ്മച്ചി ഇപ്പോഴും എന്നെ അതുപോലെ ഒരു ചെറിയ കുട്ടിയായിട്ടാണ് കാണുന്നത്. എന്നെ മാത്രമല്ല നിങ്ങൾക്ക് ചുറ്റുമുള്ള എല്ലാവരെയും നിങ്ങൾ അങ്ങനെ തന്നെയാണ് കാണുന്നത് എന്ന് എനിക്കറിയാം” – ദുൽഖർ എഴുതുന്നു.