ആത്മഹത്യ ചെയ്യാതെ ആദ്യ വിവാഹത്തിൽ നിന്നും ഇറങ്ങിവന്നു ഞാൻ, അന്ന് കുറേപേർ കുറ്റപ്പെടുത്തി – ആദ്യ വിവാഹം പരാജയം ആകുവാനുള്ള കാരണത്തെക്കുറിച്ച് സംസാരിച്ചു സാന്ത്വനത്തിലെ ജയന്തി

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാൾ ആണ് അപ്സര രത്നാകരൻ. ഒരുപക്ഷേ ഈ പേര് പറഞ്ഞാൽ താരത്തെ മനസ്സിലാവണം എന്നില്ല. എങ്കിലും സാന്ത്വനം എന്ന പരമ്പരയിൽ ജയന്തി എന്ന കഥാപാത്രത്തെ അവതരിപ്പിക്കുന്ന നടിയാണ് ഇവർ എന്നു പറഞ്ഞാൽ ഇവരെ പെട്ടെന്ന് മനസ്സിലാവും. കാരണം അത്രത്തോളം പ്രിയപ്പെട്ടത് ആണ് മലയാളികൾക്ക് ഈ പരമ്പരയും അതിലെ കഥാപാത്രങ്ങളും എല്ലാം തന്നെ.

കഴിഞ്ഞവർഷമായിരുന്നു താരം വിവാഹിതയായത്. സീരിയൽ മേഖലയിൽ തന്നെ പ്രവർത്തിക്കുന്ന ആൽബി ഫ്രാൻസിസ് എന്ന വ്യക്തിയെ ആണ് താരം വിവാഹം ചെയ്തത്. അപ്സര പങ്കെടുത്ത ഒരു പരിപാടിയുടെ സംവിധായകൻ കൂടിയായിരുന്നു ഇദ്ദേഹം. ഒരിക്കൽ ഇദ്ദേഹം പ്രൊപ്പോസൽ നടത്തുകയായിരുന്നു. അത് വീട്ടിൽ വലിയ പൊട്ടിത്തെറി ഉണ്ടാക്കി. മതമായിരുന്നു പ്രശ്നം. പക്ഷേ പിന്നീട് രണ്ടുവർഷം കഴിഞ്ഞ് നടിയുടെ വിവാഹം ഒന്നുകൂടി വീട്ടുകാർ ആലോചിച്ചു വരുന്ന സമയത്ത് ഇദ്ദേഹം പ്രൊപ്പോസൽ ആയി വീണ്ടും വരികയായിരുന്നു. അപ്പോഴേക്കും വീട്ടുകാരുടെ ഭാഗത്തുനിന്നും ഉണ്ടായിരുന്ന എതിർപ്പുകൾ എല്ലാം അയഞ്ഞിരുന്നു എന്നാണ് ഇവർ പറയുന്നത്.

അതേസമയം അപ്സരയുടെ രണ്ടാമത്തെ വിവാഹം ആണ് ഇത്. ആദ്യത്തെ വിവാഹം വിവാഹമോചനത്തിൽ അവസാനിക്കുകയായിരുന്നു. ഒരുവിധത്തിൽ ആത്മഹത്യ ചെയ്യാതെ ആയിരുന്നു ആദ്യത്തെ വിവാഹത്തിൽ നിന്നും ഇറങ്ങിപ്പോന്നത് എന്നാണ് അവസര പറയുന്നത്. സ്വന്തം കാലിൽ നിൽക്കാൻ സാധിക്കും എന്ന ധൈര്യം മനസ്സിന് നൽകി കൊണ്ടാണ് ആദ്യത്തെ വിവാഹത്തിൽ നിന്നും ഇറങ്ങിപ്പോന്നത് എന്നാണ് താരം പറയുന്നത്. ഒരുപക്ഷേ ആത്മഹത്യ ചെയ്തിരുന്നു എങ്കിൽ നഷ്ടം വീട്ടുകാർക്ക് മാത്രമായിരുന്നു ഉണ്ടാവുക എന്നും നാട്ടുകാർക്ക് ഒരു നഷ്ടവും ഉണ്ടാവുകയില്ല എന്ന ചിന്ത എപ്പോഴും ഉണ്ടാവണം എന്നുമാണ് മറ്റു പെൺകുട്ടികളോട് അപ്സര പറയുന്നത്.

അതേസമയം അപ്സരയുടെ വിവാഹത്തിൽ പങ്കെടുത്ത ചില കുട്ടികളുടെ ചിത്രങ്ങൾ വെച്ചുകൊണ്ട് ചില ഓൺലൈൻ മാധ്യമങ്ങൾ തെറ്റായ രീതിയിലുള്ള വാർത്തകൾ പ്രചരിപ്പിച്ചിരുന്നു. ആദ്യത്തെ വിവാഹത്തിൽ ഇവർക്ക് ജനിച്ച കുട്ടികൾ ആണ് ഇതൊക്കെ എന്നു പറഞ്ഞുകൊണ്ട് ആയിരുന്നു ചിത്രങ്ങൾ പ്രചരിപ്പിച്ചത്. യഥാർത്ഥത്തിൽ ഇത് ഇവരുടെ കുടുംബത്തിൽ തന്നെയുള്ള കുട്ടികൾ ആയിരുന്നു. ഇതുമാത്രമല്ല നടിക്ക് വെറും 26 വയസ്സ് മാത്രമാണ് പ്രായം. പക്ഷേ ശരീരപ്രകൃതം കൊണ്ട് കൂടുതൽ തോന്നിക്കുന്നതുകൊണ്ട് പലരുടെയും വിചാരം നടിക്കും 30ൽ അധികം പ്രായമുണ്ട് എന്നാണ്.