മലയാളികളുടെ പ്രിയതാരം സുരേഷ് ഗോപിയെ ആശുപത്രിയില് പ്രവേശിപ്പിച്ചുവെന്ന വാര്ത്ത കഴിഞ്ഞ ദിവസം സോഷ്യല് മീഡിയയില് എത്തിയിരുന്നു. ഗരുഢന് സിനിമയുടെ ലോക്കേഷനില് വച്ച് സുരേഷ് ഗോപിയെ ആശുപത്രിയില് പ്രവേശിപ്പിക്കുകയായിരുന്നു എന്നായിരുന്നു വാര്ത്ത.
ഇപ്പോഴിത ഈ വാര്ത്ത വ്യാജമാണെന്ന് പറഞ്ഞ് എത്തിയിരിക്കുകയാണ് സുരേഷ് ഗോപി. വാര്ത്തകള് തെറ്റാണെന്നും ദൈവാനുഗ്രഹത്താല് സുഖമായിരിക്കുന്നുവെന്നും സോഷ്യല് മീഡിയയിലൂടെ സുരേഷ് ഗോപി അറിയിച്ചു.
ആലുവ യുസി കോളേജില് ഗരുഡന് സിനിമയുടെ ലൊക്കേഷനിലാണിപ്പോഴെന്നും സുരേഷ് ഗോപി പറഞ്ഞു. സിനിമയുടെ ലൊക്കേഷനില് നിന്നുള്ള ചിത്രവും സുരേഷ് ഗോപി ഇതോടൊപ്പം പങ്കുവച്ചു.
നിരവധി പേരാണ് സുരേഷ് ഗോപിയുടെ പോസ്റ്റിന് താഴെ കമന്റുമായി എത്തുന്നത്. വാര്ത്ത വ്യാജമാണെന്ന് അറിയാമായിരുന്നു. ആയിരങ്ങളുടെ പ്രാര്ത്ഥ ഉള്ളപ്പോള് അങ്ങനെ വരില്ല, ചിരഞ്ജീവിയായി ആരോഗ്യത്തോടെ ആയിരം കൊല്ലം ജീവിക്കട്ടെ എന്നിങ്ങനെയാണ് ആരാധകര് കമന്റില് പറയുന്നത്.
അതേസമയം നവാഗതനായ അരുണ് വര്മ സംവിധാനം ചെയ്യുന്ന സിനിമയാണ് ‘ഗരുഡന്’. ലീഗല് ത്രില്ലര് വിഭാഗത്തില് പെടുന്ന ചിത്രം നിര്മിക്കുന്നത് മാജിക്ക് ഫ്രെയിംസിന്റെ ബാനറില് ലിസ്റ്റിന് സ്റ്റീഫനാണ്. ബിജു മേനോന്, അഭിരാമി, സിദ്ദീഖ്, ദിലീഷ് പോത്തന്, ജഗദീഷ്, മേജര് രവി, നിഷാന്ത് സാഗര്, ജയ്സ് ജോസ്, രഞ്ജിത്ത് കങ്കോള്, രഞ്ജിനി, മാളവിക എന്നിവരാണ് മറ്റു താരങ്ങള്. മിഥുന് മാനുവല് തോമസിന്റേതാണ് തിരക്കഥ. ചിത്രത്തിന്റെ ഷൂട്ടിങ് കൊച്ചിയില് പുരോഗമിക്കുന്നു.
ക്രൈം ത്രില്ലര് മോഡലില് ഒരുങ്ങുന്ന ചിത്രം ബിഗ് ബജറ്റിലാണ് നിര്മിക്കുന്നത്. അഞ്ചാം പാതിരാ എന്ന ക്രൈം ത്രില്ലര് ഹിറ്റ് ചിത്രത്തിന് ശേഷം മിഥുന് മാനുവല് തോമസ് തിരക്കഥ എഴുതുന്ന ചിത്രം കൂടിയാണ് ഇത്. എഴുപത് ദിവസത്തോളം നീണ്ടു നില്ക്കുന്ന ചിത്രീകരണം കൊച്ചിയിലും ഹൈദരാബാദിലുമായി പൂര്ത്തിയാകും.
11 വര്ഷങ്ങള്ക്കു ശേഷം സുരേഷ് ഗോപിയും ബിജു മേനോനും ഒരുമിച്ചഭിനയിക്കുന്നു എന്ന പ്രത്യേകതയും ഗരുഡനുണ്ട്. കളിയാട്ടം, പത്രം, എഫ്ഐആര്, ക്രിസ്ത്യന് ബ്രദേഴ്സ്, ട്വന്റി-ട്വന്റി തുടങ്ങിയ നിരവധി ഹിറ്റ് ചിത്രങ്ങളില് ഇവര് ഒരുമിച്ചു എത്തിയിരുന്നു. 2010 ല് രാമരാവണന് എന്ന സിനിമയായിരുന്നു സുരേഷ് ഗോപിക്കൊപ്പം ബിജു മേനോന് അവസാനമായി അഭിനയിച്ചത്. ‘പത്രം’ എന്ന സിനിമയ്ക്കു ശേഷം അഭിരാമിയും ബിജു മേനോനും സുരേഷ് ഗോപിയും ഒരുമിച്ച് അഭിനയിക്കുന്ന സിനിമ കൂടിയാണിത്.
ഗരുഡന്റെ കഥ എഴുതിയിരിക്കുന്നത് ജിനീഷ് എം. ക്യാമറ അജയ് ഡേവിഡ് കാച്ചപ്പിള്ളി, സംഗീതവും പശ്ചാത്തലസംഗീതവും ഒരുക്കിയിരിക്കുന്നത് ജേക്ക്സ് ബിജോയ്, എഡിറ്റര് ശ്രീജിത്ത് സാരംഗ്, കലാ സംവിധാനം അനീസ് നാടോടി. ചിത്രത്തിന്റെ കോ- പ്രൊഡ്യൂസര് ജസ്റ്റിന് സ്റ്റീഫന്, ലൈന് പ്രൊഡ്യൂസര് സന്തോഷ് കൃഷ്ണന്, എക്സിക്യൂട്ടീവ് പ്രൊഡ്യൂസര് നവീന് പി. തോമസ്. പിആര്ഓ: മഞ്ജു ഗോപിനാഥ്.
ബിഗ് ബോസ് ആറാമത്തെ സീസൺ അതിൻറെ അവസാന ദിനങ്ങളിലേക്ക് അടുത്തുകൊണ്ടിരിക്കുകയാണ്. നിലവിൽ 5 മത്സരാർത്ഥികൾ മാത്രമാണ് ബാക്കി ഉള്ളത്. ഈയാഴ്ച…
ബിഗ് ബോസ് ആറാമത്തെ സീസൺ അവസാനിക്കുവാൻ ഇനി വെറും മണിക്കൂറുകൾ മാത്രമാണ് ബാക്കിയുള്ളത്. നിലവിൽ 5 മത്സരാർത്ഥികൾ ആണ് വീടിനുള്ളിൽ…
മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് ഇപ്പോൾ നോറ. ഈ സീസൺ ബിഗ് ബോസിലെ വളരെ സജീവമായ മത്സരാർത്ഥികളിൽ ഒരാളായിരുന്നു…
ബിഗ് ബോസ് ആറാമത്തെ സീസൺ അവസാനിക്കാൻ ഇനി മണിക്കൂറുകൾ മാത്രമാണ് ബാക്കിയിരിക്കുന്നത്. ഈ സീസണിലെ സജീവ മത്സരാർത്ഥികളിൽ ഒരാളാണ് ജാസ്മിൻ.…
മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് റായി ലക്ഷ്മി. സൗത്ത് ഇന്ത്യയിൽ എല്ലാ ഭാഷകളിലും താരം അഭിനയിച്ചിട്ടുണ്ട്. ഒരുവിധം ഭാഷകളിൽ…
മുകേഷ് അംബാനിയുടെ മകനാണ് ആനന്ദ് അംബാനി. ഇദ്ദേഹം ഉടൻ വിവാഹിതനാകാൻ ഒരുങ്ങുകയാണ്. രാധിക മെർച്ചൻ്റ് എന്നാണ് വധുവിൻറെ പേര്. ഇവരുടെ…