ഒരു മാടപ്രാവിൻ്റെ കഥ എന്ന സിനിമയിൽ മമ്മൂട്ടിക്ക് ഡബ്ബ് ചെയ്തത് മറ്റൊരു സിനിമാതാരം, മലയാള സിനിമയിലെ രേഖപ്പെടുത്താത്ത ഒരു അപൂർവ ചരിത്രം ഇതാ

1983 വർഷത്തിൽ പുറത്തിറങ്ങിയ സൂപ്പർഹിറ്റ് ചിത്രമായിരുന്നു ഒരു മാടപ്രാവിൻ്റെ കഥ. ആലപ്പി അഷ്റഫ് ആയിരുന്നു ഈ ചിത്രം സംവിധാനം ചെയ്തത്. മമ്മൂട്ടി ആയിരുന്നു അതിലെ ഒരു കേന്ദ്ര കഥാപാത്രത്തെ അവതരിപ്പിച്ചത്. ഈ സിനിമയുടെ പോസ്റ്റ് പ്രൊഡക്ഷൻ ജോലികൾ നടക്കുന്ന സമയത്ത് നടന്ന ഒരു രസകരമായ സംഭവം ഇങ്ങനെയാണ്: സിനിമയുടെ ഡബ്ബിങ് ഒഴികെയുള്ള ബാക്കി എല്ലാ പ്രവൃത്തികളും പൂർത്തിയായി. റിലീസ് തയ്യാറെടുക്കുകയാണ് സിനിമ.

ആ സമയത്ത് മമ്മൂട്ടിയെ ഫോണിൽ വിളിച്ചിട്ട് കിട്ടുന്നില്ല. മമ്മൂട്ടിയുടെ ഭാഗങ്ങൾ ഇതുവരെ ഡബ്ബ് ചെയ്ത് തീർന്നിട്ടില്ല. എന്നാൽ മമ്മൂട്ടിയെ കാത്തിരിക്കുവാൻ സമയവുമില്ല. അതുകൊണ്ട് ആലപ്പി അഷ്റഫ് ഒരു തീരുമാനത്തിലെത്തി. മറ്റൊരു താരത്തെ കൊണ്ട് ഡബ്ബിംഗ് ജോലികൾ പൂർത്തിയാക്കാമെന്ന തീരുമാനത്തിൽ. ഒടുവിൽ മമ്മൂട്ടിയുടെ കഥാപാത്രത്തിനുവേണ്ടി ഡബ്ബ് ചെയ്യാൻ എഴുതിയത് ആരാണ് എന്ന് അറിയുമോ? അദ്ദേഹം പിന്നീട് മലയാള സിനിമയിലെ മറ്റൊരു താരമായി മാറി എന്നത് ചരിത്രം.

ശ്രീനിവാസനായിരുന്നു ഈ സിനിമയിൽ മമ്മൂട്ടിക്ക് വേണ്ടി ഡബ്ബ് ചെയ്തത്. ശ്രീനിവാസൻ ആ സമയത്ത് ചെറിയ വേഷങ്ങളിലൂടെ മലയാള സിനിമയിൽ തിളങ്ങി വരുന്ന സമയമായിരുന്നു. ഈ ഡബ്ബിംഗ് ജോലി ശ്രീനിവാസനിൽ എത്തിയതിനു പിന്നിലും ഒരു രസകരമായ കഥയുണ്ട്. ഒരു ദിവസം സംവിധായകൻ ആലപ്പി അഷ്റഫും പ്രൊഡക്ഷൻ എക്സിക്യൂട്ടീവ് കബീറും കൂടി രാത്രി ശ്രീനിവാസൻ്റെ വീട്ടിലെത്തി.

വീട്ടിലെത്തിയ ശേഷം ശ്രീനിവാസനോട് അവർ പറഞ്ഞത് ഇങ്ങനെയാണ് – മമ്മൂട്ടി ആവശ്യപ്പെട്ട പ്രകാരമാണ് ഞങ്ങൾ വരുന്നത്. ഞങ്ങളുടെ പുതിയ സിനിമയിലേക്ക് മമ്മൂട്ടിക്ക് ഒരാൾ ഡബ്ബ് ചെയ്യണം. അദ്ദേഹത്തിന് നാളെ രാവിലെ എത്താൻ സാധിക്കുകയില്ല. സിനിമ പെട്ടെന്നുതന്നെ റിലീസ് ചെയ്യണം. അതുകൊണ്ട് ശ്രീനിവാസ് തന്നെ ഞങ്ങൾക്ക് ഇത് ഡബ്ബ് ചെയ്തു തരണം. ഇത് കേട്ട ശ്രീനിവാസൻ ഈ കഥ വിശ്വസിച്ച് പിറ്റേന്ന് രാവിലെ തന്നെ ഡബ്ബിംഗ് സ്റ്റുഡിയോയിലെത്തി ഡബ്ബിംഗ് ജോലികൾ തീർത്തു കൊടുത്തു. മലയാള സിനിമയുടെ ചരിത്രത്തിലെ തന്നെ അത്യപൂർവ്വമായ നിമിഷങ്ങളിൽ ഒന്നാണ് ഇത്. ഇപ്പോഴും രേഖപ്പെടുത്തത്ത ചിത്രങ്ങളിലൊന്നായി ഇത് നിലനിൽക്കുന്നു.