മലയാളം ബിഗ് ബോസിലെ മത്സരാര്ത്ഥികള് എല്ലാം പ്രേക്ഷകരുടെ പ്രിയപ്പെട്ട താരം ആണ് ഇപ്പോള് കഴിഞ്ഞ സീസണിലെ താരം ശാലിനി പങ്കുവെച്ച പോസ്റ്റ് ആണ് വൈറല് ആവുന്നത്. ബിഗ് ബോസിന് അപകടം സംഭവിച്ചതിനെക്കുറിച്ചാണ് ശാലിനി പോസ്റ്റില് പറയുന്നത്.
ഒന്ന് കാണാന് പോയതാ മധുരം കഴിപ്പിച്ച് കൊന്നൂന്ന് പറയാം. പണ്ട് ഒരു മാസത്തേക്ക് റേഷന് തന്ന പഞ്ചസാര ഒറ്റ ആഴ്ച്ച കൊണ്ട് എല്ലാര്ക്കും കലക്കി കൊടുത്ത് തീര്ത്തതിന്റെ പണിഷ്മെന്റ് ടാസ്ക്ക്. സ്നേഹം മാത്രം വിളമ്പി തന്ന് ഒരുപാടോര്മ്മകള് പങ്കുവെച്ച് എന്നെ യാത്രയാക്കി. അദ്ദേഹത്തിന് ഇപ്പോള് കുഴപ്പമൊന്നുമില്ല, സന്തോഷവാനായിരിക്കുകയാണെന്നും ശാലിനി കുറിച്ചിരുന്നു. ബിഗ് ബോസിന് അപകടം പറ്റിയെന്ന് കേട്ടല്ലോ, ഇപ്പോള് എങ്ങനെയുണ്ടെന്നായിരുന്നു ചോദ്യങ്ങള്.
ഒരൊറ്റ ശബ്ദം കൊണ്ട് ബിബി വീട്ടിലെ മുഴുവന് കുടുംബാംഗങ്ങളെയും വരച്ച വരയില് നിര്ത്തിയിരുന്ന ബിഗ് ബോസ്. അദ്ദേഹത്തിന് ഒരു അപകടം സംഭവിച്ചിരിക്കുന്നു. കൈയ്യില് പൊട്ടലുള്ളതിനാല് സര്ജറി വേണ്ടി വരുമെന്നാണ് അറിഞ്ഞത്. അപകടത്തെക്കുറിച്ച് അറിഞ്ഞപ്പോള് അദ്ദേഹത്തെ വിളിച്ചിരുന്നു. സര്ജറി കഴിയുന്നത് വരെ ഷുഗര് ലെവല് കൂടിക്കൂടാ, അതുകൊണ്ട് പഞ്ചാര ഇപ്പോള് കലക്കണ്ടട്ടോ, അടുത്ത സീസണ് മുന്പൊന്ന് ബ്രേക്കിട്ടതല്ലേയെന്നായിരുന്നു അദ്ദേഹം ചോദിച്ചതെന്നും ശാലിനി പറഞ്ഞിരുന്നു.
പുറത്തെ കാര്യങ്ങളൊന്നും അറിയാതെ അവിടെ കഴിഞ്ഞിരുന്ന സമയത്ത് ഈ ശബ്ദം ഞങ്ങള്ക്കെല്ലാം പ്രിയപ്പെട്ടതായിരുന്നു. ആദ്യമൊക്കെ ശബ്ദം കേട്ട് തിരിച്ച് സംസാരിക്കാറുണ്ടായിരുന്നു. എന്റെ പേരൊന്ന് വിളിക്കൂ ബിഗ് ബോസ് എന്ന് പറയാറുണ്ടായിരുന്നു. അത് കേട്ടിട്ടാണോയെന്നറിയില്ല. ഇടയ്ക്ക് ടാസ്ക്ക് ലെറ്റര് വായിക്കാനൊക്കെ എന്നെ വിളിക്കാറുണ്ടായിരുന്നു. അവസാന ദിവസങ്ങളില് ഞാന് ഇങ്ങനെയൊരു കാര്യത്തെക്കുറിച്ച് പറഞ്ഞപ്പോള് അത് കേട്ടിട്ടാണോയെന്നറിയില്ല, അവസാനത്തെ ടാസ്ക്ക് ലെറ്റര് വായിക്കാനുള്ള ഭാഗ്യം എനിക്ക് കിട്ടിയെന്നും നേരത്തെ ശാലിനി കുറിച്ചിരുന്നു.
ആട്ടക്കലാശമെന്ന ടാസ്ക്ക് മറക്കാനാവില്ല. എലിമിനേഷനായി പുറത്തേക്ക് വരുന്നതിന് മുന്പ് മിസ് യു ബിഗ് ബോസ് എന്നെഴുതിയ ഒരു കത്ത് എത്തിക്കാനായി ശ്രമിച്ചിരുന്നു. ഷോ തീര്ന്നതിന് ശേഷം അദ്ദേഹം വിളിച്ച് സംസാരിച്ചിരുന്നു. ഞാന് നിങ്ങളുടെ ബിഗ് ബോസാണ്. നാല് വര്ഷത്തെ അനുഭവത്തില് ഇതാദ്യമായാണ് ഇങ്ങനെയൊരു കത്ത് കിട്ടുന്നത്. ശാലിനിക്ക് നല്ലൊരു ഭാവിയുണ്ടാവട്ടെയെന്ന് പറഞ്ഞ് അദ്ദേഹം തന്നെ ആശ്വസിപ്പിച്ചിരുന്നുവെന്നും ശാലിനി പറഞ്ഞു.