വിമാനത്തില്‍ വച്ച് മോതിര മാറ്റം കഴിഞ്ഞു, സുരേഷ് ഗോപിയുടെ വീട്ടില്‍ വച്ച് താലികെട്ടും; ആനിയുമായുള്ള വിവാഹത്തെക്കുറിച്ച് ഷാജി കൈലാസ്

പ്രണയിച്ച് വിവാഹം കഴിച്ചവരാണ് ഷാജി കൈലാസും ആനിയും. ഒരുകാലത്ത് മലയാള സിനിമയില്‍ നായിക കഥാപാത്രത്തെ അവതരിപ്പിച്ചിരുന്ന ആനിയെ ഷാജി കൈലാസ് ജീവിതസഖി ആക്കുകയായിരുന്നു. നിരവധി സിനിമകള്‍ സംവിധാനം ചെയ്ത വ്യക്തി കൂടിയാണ് ഷാജി കൈലാസ്. പരസ്പരം സ്‌നേഹവും ബഹുമാനവും ഇന്നും ഇവര്‍ക്കിടെ ഉണ്ട്.

വിവാഹശേഷം അഭിനയത്തില്‍ നിന്ന് മാറിനിന്ന ആിന പിന്നീട് കുക്കര്‍ ഷോയുമായി എത്താറുണ്ട്. ഈ അടുത്താണ് ആനയുമായുള്ള പ്രണയ വിവാഹത്തെക്കുറിച്ച് അഭിമുഖത്തില്‍ ഷാജി കൈലാസ് പറഞ്ഞത്. ക്യൂന്‍ ചാനലിന് നല്‍കിയ അഭിമുഖത്തിനിടെ ആയിരുന്നു സംവിധായകന്റെ തുറന്നുപറച്ചില്‍.

ആനി നായികയും ഞാന്‍ സംവിധായകനും ആയിരുന്നു , യാദൃശ്ചികമായാണ് ആനി യുമായി പ്രണയത്തില്‍ ആയത്. ഈ കുട്ടി കൊള്ളാമല്ലോ ഞാന്‍ കെട്ടിയാലോ എന്ന് രഞ്ജി പണിക്കറിനോട് ചോദിച്ചിരുന്നു. പിന്നീട് അദ്ദേഹമാണ് ആനിയോട് ഈ കാര്യം പറഞ്ഞത്.

പിന്നീട് വിവാഹം കഴിക്കുന്നതിന് മുമ്പ് തന്നെ ഞങ്ങള്‍ ഒന്നിച്ച് ഒരു ഫ്‌ലൈറ്റ് യാത്രയില്‍ ഉണ്ടായിരുന്നു. തിരുവനന്തപുരത്ത് നിന്നും ചെന്നൈയിലേക്ക് പോവുകയായിരുന്നു. വിമാനത്തില്‍ ആനി ഉള്ള കാര്യം ഞാന്‍ അറിഞ്ഞിരുന്നില്ല. അപ്പോഴാണ് എന്റെ കയ്യില്‍ ഉണ്ടായിരുന്ന മോതിരം ഊരി ഞാന്‍ ആനിയെ അണിയിച്ചിരുന്നത്. അങ്ങനെ ആകാശത്ത് വച്ച് മോതിര മാറ്റവും നടന്നു.

രണ്ടു മതക്കാര്‍ ആയതിനാല്‍ ചെറിയ പ്രശ്‌നങ്ങള്‍ ഉണ്ടായിരുന്നു , എന്നാല്‍ അതെല്ലാം പെട്ടെന്ന് തന്നെ മാറി. ആദ്യം രജിസ്റ്റര്‍ ഓഫീസില്‍ പോയി ഒപ്പിട്ട് , അതിനുശേഷം സുരേഷ് ഗോപിയുടെ വീട്ടില്‍ വച്ച് താലികെട്ടി. അമ്പലത്തില്‍ നിന്ന് താലികെട്ടണമെന്ന് ആനിക്ക് ആഗ്രഹമുള്ളതിനാല്‍ ശഖുമുഖം ക്ഷേത്രത്തില്‍ വച്ച് വീണ്ടും താലികെട്ടി ഷാജി കൈലാസ് പറഞ്ഞു.